Lukas 4:6 - Perjanjian Baru Bahasa Melayu Maluku Utara

⁶ Turus Iblis bilang pa Yesus, “Samua kerajaan itu pe kekuasaan deng kekayaan kita mo kase pa Ngana! Karna samua itu so jadi kita punya, kong kita bisa kase pa sapa saja yang kita mau.

Lukas 4:6 Iomraidhean Croise

Lukas 4:7

Jadi, kalu Ngana berlutut semba pa kita, kita mo kase samua itu jadi Ngana punya.”

Yohanes 12:31

Skarang ini Tuhan Allah mo adili pa orang-orang yang ada di dunia ini, kong Iblis, setang-setang pe raja yang ada kuasa di dunia ini me Tuhan Allah mo kase kala.

Yohanes 14:30

Kita so tara bicara banya lagi deng ngoni, karna Iblis, setang-setang pe raja mo datang. Iblis berkuasa di dunia ini, tapi dia tara berkuasa untuk ator pa Kita.

Yohanes 8:44

Ngoni pe papa itu Iblis, setang-setang pe raja, barang ngoni suka biking ngoni pe papa itu pe mau. Iblis itu, dari dulu sampe skarang ini, dia pangbunu orang. Dia tara tau biking yang butul, karna pa dia itu tara ada yang butul. Waktu dia bafoya, dia bilang itu memang dari dia pe sifat sandiri, karna dia itu pangbafoya, kong dia itu samua pangbafoya pe papa.

2 Korintus 11:14

Jang ngoni herang suda deng orang yang macam bagitu. Barang, Iblis, setang-setang pe raja saja biking diri sama deng malaekat yang hati bae deng bawa tarang.

Efesus 2:2

Waktu itu, ngoni hidup masi suka biking dosa sama deng orang yang bolong kanal pa Tuhan Allah, baru ngoni lagi iko Iblis pe mau. Iblis itu setang-setang pe raja yang berkuasa di udara, deng dia itu suda yang skarang ini ada pengaru pa orang-orang yang tara dengar-dengaran pa Tuhan Allah.

1 Petrus 1:24

Karna di Kitab Suci ada tatulis bagini, “Manusia pe hidup deng pe hebat tara mo tahang lama. Manusia sama deng rumpu yang babunga bagus, tapi tara lama bunga itu mo jatu, turus rumpu itu mo kiring,

1 Yohanes 5:19

Biar Iblis kuasai seluru dunia ini, torang tau, torang ini Tuhan Allah pe ana-ana.

Wahyu 12:9

Naga basar itu, setang-setang pe raja yang dong jaga bilang ‘Iblis’. Naga itu yang dari dulu salalu kase sesat orang-orang di seluru dunia ini. Dia deng malaekat-malaekat yang iko pa dia, samua dapa buang dari sorga di bumi.

Wahyu 13:2

Binatang itu pe badan sama deng musang yang basar. Dia pe kaki basar, babulu deng tajam. Kong dia pe mulu basar, kuat deng gigi tajam sama deng singa. Kong pa dia, naga kase dia pe kekuatan, dia pe kursi raja deng dia pe kuasa yang basar.

Wahyu 13:7

Tuhan Allah kase ijin pa dia lagi untuk baku prang lawan pa orang-orang yang so jadi Tuhan Allah pe umat, kong kase kala pa dorang. Dia me dapa hak untuk berkuasa pa samua orang dari samua fam, suku bangsa, bahasa deng samua bangsa.