Lukas 4:43 - Perjanjian Baru Bahasa Melayu Maluku Utara

⁴³ Tapi Yesus bilang pa dorang, “Kita ini me musti pigi di kota-kota laeng supaya Kita bole kase tau lagi Kabar Bae tentang Tuhan Allah mo Berkuasa sebagai Raja pa orang-orang yang percaya pa Dia, karna Kita dapa utus di dunia ini untuk kase tau Kabar Bae itu.”

Lukas 4:43 Iomraidhean Croise

Matius 4:23

Abis itu, Yesus bakuliling di samua tampa di daera Galilea kong mangajar di ruma-ruma ibada agama Yahudi. Dia kase tau Kabar Bae tentang Tuhan Allah Berkuasa sebagai Raja pa orang-orang yang percaya. Dia me kase sembu pa orang-orang dari samua panyake deng kase sembu pa orang-orang cacat.

Markus 1:35

Dia pe amper siang, Yesus bangun kong kaluar dari ruma. Dia pigi di tampa sunyi kong berdoa di situ.

Yohanes 20:21

Kong Yesus bilang ulang pa dorang, “Tuhan Allah biking ngoni hidup deng hati tenang! Kita pe Bapa so utus pa Kita, bagitu lagi Kita utus pa ngoni skarang.”

Yohanes 9:4

Tuhan Allah yang utus pa Kita ada kase tugas yang torang musti biking. Torang musti biking tugas itu skarang, karna ada dia pe waktu nanti torang tara bisa biking tugas lagi. Itu bole kase sama deng kalu masi siang, orang masi bole bakarja, tapi kalu so malam, so tarada orang yang bisa bakarja lagi.

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

2 Timotius 4:2

kase tau Tuhan Allah pe firman pa orang-orang. Ngana musti salalu siap kase tau firman itu di tiap waktu, biar orang mau dengar atau tarada. Kalu dorang biking sala, ngana togor pa dorang la dorang berenti. Turus ngana kase kuat dong pe hati la dong iko ajaran yang butul. Deng sementara ngana biking samua itu, ngana musti kase ajar bae-bae pa dorang deng sabar.