Lukas 4:40 - Perjanjian Baru Bahasa Melayu Maluku Utara

⁴⁰ Waktu matahari so mulai maso, orang-orang datang bawa dorang pe orang-orang saki pa Yesus. Orang-orang yang saki itu pe panyake macam-macam. Turus, Yesus taru Dia pe tangan pa dorang masing-masing yang saki itu kong kase sembu pa dorang.

Lukas 4:40 Iomraidhean Croise

Matius 11:5

orang buta so bisa dapa lia, orang lumpu so bisa bajalang, orang lepra so sembu, orang pongo so bisa dengar, orang mati so hidup ulang, deng orang miskin so dengar Kabar Bae dari Tuhan Allah.”

Matius 14:13

Waktu Yesus dengar Yohanes Pembaptis so mati, Dia deng Dia pe murit-murit pigi dari situ. Dorang nae parau satu kong pigi di tampa yang sunyi deng jao dari kampong, la mo basandiri di sana. Tapi waktu orang banya tau itu, dorang kaluar dari dong pe kota-kota kong bajalang kaki ka sana la mo baku dapa deng Yesus.

Markus 3:10

Barang, Dia so kase sembu banya orang, jadi orang-orang yang saki me banya lagi yang datang baku-baku gepe untuk bapegang pa Dia.

Markus 5:23

Yairus bamohon deng hati yang sunggu-sunggu pa Yesus, dia bilang bagini, “Bapa, tolong pa kita pe ana parampuang ka. Dia ada saki barát, amper mati. Bapa datang dulu di ruma la taru Bapa pe tangan pa dia, supaya dia sembu deng tetap hidup.”

Markus 6:5

Di tampa itu, Yesus tara banya biking mujizat, barang orang-orang di situ tara percaya pa Dia. Dia cuma taru Dia pe tangan pa babarapa orang saki kong dong sembu.

Kisah Para Rasul 19:12

Biar cuma lengso atau kaeng yang Paulus perna pake kong orang taru pa orang-orang saki, orang-orang itu langsung bae. Bagitu lagi, kalu lengso itu dong taru pa orang-orang yang ada kemasukan setang, setang itu langsung kaluar.

Kisah Para Rasul 5:15

Jadi, dorang bawa orang-orang saki di jalang basar kong kase tidor pa dong di tikar, supaya kalu Petrus lewat, biar cuma dia pe bayangan saja kanal pa dorang, dorang jadi sembu.