Lukas 4:35 - Perjanjian Baru Bahasa Melayu Maluku Utara

³⁵ Tapi Yesus togor deng suara karas pa setang yang ada pa orang itu, “Badiam! Kaluar ngana dari dia!” Setang itu banting orang itu di orang banya pe muka. Abis banting, setang itu kaluar dari orang itu, tapi orang itu tara apa-apa.

Lukas 4:35 Iomraidhean Croise

Matius 17:18

Waktu dorang bawa ana itu ka sana pa Yesus, Yesus parenta deng karas pa setang la kaluar dari ana itu. Kong waktu setang itu kaluar, ana itu langsung sembu.

Matius 8:26

Kong Yesus bangun, turus bilang pa dorang, “Ee, ngoni orang yang kurang percaya, bikiapa kong ngoni tako?” Turus Yesus badiri kong togor pa angin deng omba itu deng suara karas. Waktu itu suda, angin deng omba itu berenti, kong talaga itu jadi todo skali.

Markus 1:26

Turus setang itu biking pa orang itu sampe totofore. Waktu orang itu bataria kuat-kuat, setang itu kaluar dari orang itu.

Markus 4:39

Yesus bangun kong togor pa angin deng omba itu, Dia bilang, “Badiam! Todo suda!” Turus angin deng omba itu berenti, kong talaga itu jadi todo skali.

Markus 9:26

Turus setang itu kaluar iko bataria deng goyang-goyang pa ana itu. Waktu setang itu kaluar, ana itu so tara bagará lagi, sama deng orang mati, kong orang banya yang ada di situ bilang bagini, “Ya, dia so mati!”

Lukas 11:22

Tapi kalu ada satu orang yang lebe kuat dari dia datang serang kong kase kala pa dia, orang yang lebe kuat itu akan ambe samua orang itu pe senjata yang dia harap bisa kase aman pa dia. Abis itu, orang yang lebe kuat itu mo rampas dia pe barang-barang samua kong mo kase barbage pa orang yang lebe kuat itu pe tamang-tamang.

Lukas 4:23

Turus Yesus bilang pa dorang, “Mangkali ngoni mo bilang bahasa satu pa Kita bagini, ‘Woe dokter, kase sembu ngana pe diri sandiri dulu.’ Ngoni bilang bagitu karna ngoni mo suru Kita biking mujizat di Kita pe kampong sandiri ini, sama deng Kita so biking di kampong Kapernaum.

Lukas 4:39

Turus, Yesus pigi pa Simon pe mama mantu kong badiri pa dia pe pinggir, kong Dia user damang itu. Waktu itu suda, Simon pe mama mantu langsung sembu kong dia bangun, turus layani dorang makang.

Lukas 4:41

Di situ me ada babarapa orang yang kemasukan setang. Yesus parenta setang-setang itu kaluar dari orang-orang itu. Setang-setang kaluar babataria bagini, “Ngana ini Anak Allah.” Tapi Yesus togor deng karas pa dorang, Dia me larang dong bicara, barang setang-setang itu tau, Yesus itu Mesias, Raja yang Tuhan Allah janji mo kase slamat pa manusia.

Lukas 8:24

Turus Yesus pe murit-murit kase bangun kong bilang pa Dia, “Guru, Guru, torang so mo mati ini!” Yesus bangun kong togor angin deng omba basar itu. Turus, angin deng omba itu berenti, kong talaga itu jadi todo.

Lukas 9:39

Dia kemasukan setang. Tiap kali dia kemasukan, dia bataria kuat-kuat deng setang biking sampe dia tatakancing kong gabu-gabu me kaluar dari dia pe mulu. Setang itu biking siksa pa dia turus deng amper-amper tara mau kase tinggal pa dia.

Lukas 9:42

Waktu ana itu bajalang ka sana pa Yesus, setang banting pa dia di tana kong biking dia takancing. Tapi Yesus parenta deng karas pa setang itu la kaluar dari ana itu, kong ana itu sembu. Abis itu, Yesus kase ana itu pa dia pe papa.

Wahyu 12:12

Jadi sanang suda ngoni samua yang tinggal di sorga! Tapi kasiang samua orang yang hidup di bumi deng di laut. Iblis so turung pa ngoni deng dia mara skali, karna dia tau, dia pe waktu biking jahat di dunia ini tara lama lagi mo abis.”