Lukas 4:23 - Perjanjian Baru Bahasa Melayu Maluku Utara

²³ Turus Yesus bilang pa dorang, “Mangkali ngoni mo bilang bahasa satu pa Kita bagini, ‘Woe dokter, kase sembu ngana pe diri sandiri dulu.’ Ngoni bilang bagitu karna ngoni mo suru Kita biking mujizat di Kita pe kampong sandiri ini, sama deng Kita so biking di kampong Kapernaum.

Lukas 4:23 Iomraidhean Croise

Matius 13:54

Pe sampe di Dia pe kampong di Nazaret, Yesus mangajar di ruma ibada agama Yahudi di situ. Kong orang-orang jadi herang skali, turus bilang, “Dia tau ajaran itu dari mana? Turus sapa yang kase kuasa pa Dia la biking mujizat-mujizat itu?

Matius 4:13

Dari Nazaret, Dia pigi lagi kong tinggal di kota Kapernaum yang ada di pinggir talaga Galilea, di suku Zebulon deng suku Naftali pe daera.

Matius 4:23

Abis itu, Yesus bakuliling di samua tampa di daera Galilea kong mangajar di ruma-ruma ibada agama Yahudi. Dia kase tau Kabar Bae tentang Tuhan Allah Berkuasa sebagai Raja pa orang-orang yang percaya. Dia me kase sembu pa orang-orang dari samua panyake deng kase sembu pa orang-orang cacat.

Markus 6:1

Abis itu, Yesus pulang pa Dia pe kampong Nazaret, kong Dia pe murit-murit iko pa Dia.

Lukas 2:39

Bagitu Yusuf deng Maria so abis biking samua acara iko Tuhan Allah pe aturan di lima kitab Musa, dorang samua pulang pa dong pe ruma di kota Nazaret, di daera Galilea.

Lukas 2:51

Abis itu, Yesus pulang di Nazaret sama-sama deng dorang, kong Dia tetap dengar-dengaran pa dorang. Tapi Dia pe mama inga-inga turus apa yang Yesus bilang tadi kong tanya-tanya dalam hati apa itu dia pe arti.

Lukas 4:16

Satu kali, Yesus pigi di kampong Nazaret. Dari kacil sampe basar Dia di kampong itu. Kong pas hari Sabat, Dia maso di ruma ibada agama Yahudi, sama deng Dia pe biasa. Dia badiri di muka la mo baca Kitab Suci.

Lukas 4:31

Abis itu, Yesus pigi di kota Kapernaum di daera Galilea. Tiap hari Sabat, Dia mangajar di ruma ibada agama Yahudi.

Lukas 4:35

Tapi Yesus togor deng suara karas pa setang yang ada pa orang itu, “Badiam! Kaluar ngana dari dia!” Setang itu banting orang itu di orang banya pe muka. Abis banting, setang itu kaluar dari orang itu, tapi orang itu tara apa-apa.

Lukas 6:42

Jadi bagimana kong ngoni bisa bilang pa ngoni pe sudara, ‘Sudara e, mari kita kase kaluar ampas kayu dari ngana pe mata,’ padahal balak spanggal di ngoni pe mata sandiri, ngoni kase biar. Ee, ngoni orang munafik, kase kaluar dulu balak spanggal dari ngoni pe mata, baru ngoni bisa lia bae-bae, supaya ngoni bisa kase kaluar ampas kayu dari ngoni pe sudara pe mata.”

Yohanes 4:28

Kong parampuang itu kase tinggal dia pe tampayang di situ, turus dia pigi maso di kota kong bilang pa orang-orang di situ,

2 Korintus 5:16

Jadi karna torang tau Yesus Kristus pe sayang pa samua orang itu, torang tara nilai orang pake manusia pe pikiran lagi. Memang dulu waktu torang bolong percaya Tuhan itu, torang nilai pa Yesus Kristus pake manusia pe pikiran, tapi skarang tara bagitu lagi.