Lukas 4:16 - Perjanjian Baru Bahasa Melayu Maluku Utara

¹⁶ Satu kali, Yesus pigi di kampong Nazaret. Dari kacil sampe basar Dia di kampong itu. Kong pas hari Sabat, Dia maso di ruma ibada agama Yahudi, sama deng Dia pe biasa. Dia badiri di muka la mo baca Kitab Suci.

Lukas 4:16 Iomraidhean Croise

Matius 2:23

Waktu dorang sampe di daera Galilea, dong tinggal di kota satu yang pe nama Nazaret. Itu jadi sama deng apa yang Tuhan Allah so bilang dulu pa nabi-nabi bagini, “Dia itu akan dapa sebut, orang Nazaret.”

Lukas 2:39

Bagitu Yusuf deng Maria so abis biking samua acara iko Tuhan Allah pe aturan di lima kitab Musa, dorang samua pulang pa dong pe ruma di kota Nazaret, di daera Galilea.

Lukas 2:42

Waktu Yesus umur dua blas taong, Dia pe orang tua pigi di Yerusalem iko hari raya itu sama biasa. Waktu itu, dorang bawa pa Yesus.

Lukas 2:51

Abis itu, Yesus pulang di Nazaret sama-sama deng dorang, kong Dia tetap dengar-dengaran pa dorang. Tapi Dia pe mama inga-inga turus apa yang Yesus bilang tadi kong tanya-tanya dalam hati apa itu dia pe arti.

Lukas 4:15

Dia mangajar di ruma-ruma ibada agama Yahudi, kong samua orang hormati pa Dia.

Lukas 4:17

Turus, ada yang kase pa Yesus kitab nabi Yesaya. Dia buka kitab yang tagulung itu, kong Dia dapa tulisan bagini,

Lukas 4:21

Kong Yesus bilang pa dorang, “Samua yang ngoni dengar yang kita so baca di Kitab Suci, hari ini samua so jadi.”

Lukas 4:23

Turus Yesus bilang pa dorang, “Mangkali ngoni mo bilang bahasa satu pa Kita bagini, ‘Woe dokter, kase sembu ngana pe diri sandiri dulu.’ Ngoni bilang bagitu karna ngoni mo suru Kita biking mujizat di Kita pe kampong sandiri ini, sama deng Kita so biking di kampong Kapernaum.

Yohanes 18:20

Turus Yesus jawab pa dia, “Kita salalu bicara turus tarang di orang banya pe muka. Kita kase ajar pa orang-orang di ruma-ruma ibada agama Yahudi deng di Ruma Ibada Pusat, tampa yang orang-orang agama Yahudi jaga bakumpul. Kita kase ajar pa orang-orang di tampa-tampa umum, bukang di tampa-tampa yang tasambunyi.

Kisah Para Rasul 17:2

Kong sama deng biasa, Paulus maso di ruma ibada agama Yahudi itu. Di situ dia baca Kitab Suci di orang banya pe muka, bagian-bagian di mana Tuhan Allah janji mo utus satu Raja yang dong bilang Mesias. Abis dia baca, dia badiskusi deng dorang. Paulus biking bagitu tiga kali hari Sabat.