Lukas 3:8 - Perjanjian Baru Bahasa Melayu Maluku Utara

⁸ Kalu ngoni butul so bertobat, ngoni musti biking hal yang bae turus supaya ada bukti ngoni itu so bertobat. Itu sama deng pohong yang subur, dia pe bua me bagus-bagus. Jang ngoni pikir ngoni so bebas dari hukuman karna ngoni Abraham pe turunan. Kita bilang pa ngoni, kalu Tuhan Allah mau, Dia bisa biking batu-batu ini jadi Abraham pe turunan.

Lukas 3:8 Iomraidhean Croise

Matius 21:43

Yesus bilang lagi pa dorang, “Jadi ngoni inga ini bae-bae, Tuhan Allah mo ambe ngoni orang Yahudi pe hak untuk jadi Tuhan Allah pe umat yang Dia Berkuasa sebagai Raja. Kong Dia mo kase hak itu pa orang laeng, lebe-lebe pa orang-orang yang mo biking Dia pe mau. Dorang itu sama deng pohong yang dia pe bua bagus-bagus. [

Matius 3:8

Kalu ngoni butul so bertobat, ngoni musti biking hal yang bae turus, supaya ada bukti ngoni itu so bertobat. Itu sama deng pohong yang subur, dia pe bua me bagus-bagus.

Matius 3:9

Jang ngoni kira ngoni so bebas dari hukuman karna ngoni Abraham pe turunan. Kita bilang pa ngoni, kalu Tuhan Allah mau, Dia bisa biking batu-batu ini jadi Abraham pe turunan.

Lukas 13:25

Karna waktu dorang datang, tuang ruma so kunci pintu. Jadi waktu itu ngoni akan babadiri di luar kong toki-toki pintu. Ngoni akan bilang, ‘Bapa, buka pintu ka!’ Dia akan jawab pa ngoni, ‘Kita tara kanal pa ngoni deng Kita tara tau ngoni dari mana.’

Lukas 13:26

Kong ngoni akan bilang pa Dia, ‘Torang yang biasa makang deng minum sama-sama deng Bapa. Bapa lagi yang mangajar pa torang di torang pe kota pe jalang-jalang. Pasti Bapa kanal pa torang.’

Lukas 14:9

Kong jang sampe tuang pesta itu akan datang deng bilang bagini, ‘Maaf e, tampa ini so ada orang punya.’ Kong ngoni deng rasa malu musti bapinda dudu di balakang.

Lukas 19:40

Yesus jawab, “Kita bilang pa ngoni, kalu dorang badiam, batu-batu ini yang akan bataria basimore puji pa Tuhan.”

Lukas 19:9

Turus Yesus bilang pa dia, “Hari ini, Tuhan Allah so kase slamat dari dosa-dosa pa ngoni yang tinggal di ruma ini, karna ngana so kase tunju, ngana ini butul-butul Abraham pe turunan.

Lukas 5:21

Pe dengar Yesus bilang bagitu, guru-guru agama Yahudi yang ahli lima kitab Musa deng orang-orang Yahudi dari aliran Farisi bicara dalam hati bagini, “Dia ini sapa kong, sampe Dia biking diri sama deng Tuhan Allah? Barang, tarada orang yang bisa kase ampun orang pe dosa, yang bisa cuma Tuhan Allah.”

Yohanes 8:33

Kong dorang bilang pa Dia, “Torang ini Abraham pe turunan, kong torang tara perna jadi orang karja yang taika deng dia pe tuang. Jadi bagimana kong Bapa bilang, torang ini mo bebas?”

Yohanes 8:39

Dorang bilang pa Dia, “Torang pe papa itu Abraham.” Yesus bilang pa dorang, “Kalu ngoni ini butul Abraham pe turunan, tantu ngoni biking sama deng yang Abraham so biking.

Kisah Para Rasul 26:20

Kita pi kase tau kamuka pa orang-orang Yahudi di Damsyik supaya dorang bertobat kong bale pa Tuhan Allah. Deng dorang musti biking hal-hal yang bae untuk kase tunju dorang butul-butul so bertobat. Abis itu, kita pi kase tau di kota Yerusalem sampe deng di samua tampa laeng di daera Yudea. Kita me ada kase tau samua itu pa orang-orang yang bukang Yahudi.

Roma 4:16

Jadi torang mo dapa Tuhan Allah pe janji itu cuma karna torang percaya pa Dia saja. Tuhan Allah kase Dia pe janji itu karna Dia pe bae, supaya samua Abraham pe turunan bole dapa Tuhan Allah pe janji. Kong Tuhan Allah pe janji itu bukang cuma untuk orang Yahudi saja yang jaga iko aturan di lima kitab Musa, tapi pa samua orang yang percaya sama deng Abraham. Abraham itu torang samua yang percaya pe papa.

Roma 9:7

Deng, tara samua Abraham pe turunan yang akan jadi Tuhan Allah pe ana-ana kong mo dapa Dia pe janji. Conto, Tuhan Allah so perna bilang pa Abraham bagini, “Cuma ngana pe turunan yang dari ngana pe ana Ishak saja, yang akan dapa Kita pe janji.”

Filipi 1:11

Kita minta lagi supaya Yesus Kristus bakarja di ngoni pe hati la ngoni bole biking barang yang butul pa Tuhan Allah pe muka. Turus orang-orang mo puji deng hormat pa Tuhan Allah karna dorang lia yang ngoni so biking itu.