Lukas 3:7 - Perjanjian Baru Bahasa Melayu Maluku Utara

⁷ Orang banya datang pa Yohanes supaya Yohanes baptis pa dorang. Kong Yohanes bilang pa dorang, “Ee, ngoni orang-orang jahat! Ngoni pe jahat sama deng ular bisa. Jang ngoni kira kalu ngoni so datang kamari dapa baptis, ngoni bole mo dapa lolos dari Tuhan Allah pe hukuman.

Lukas 3:7 Iomraidhean Croise

Matius 12:34

Ngoni pe jahat sama deng ular bisa. Tara mungkin ngoni bole bilang hal-hal yang bae karna ngoni sandiri jahat. Karna apa yang tasimpang di orang pe hati, itu yang nanti mo kaluar dari dia pe mulu.

Matius 23:33

Woe ngoni orang-orang jahat. Ngoni sama deng ular bisa. Ngoni itu turunan orang jahat, sama deng ular bisa pe turunan. Tuhan Allah akan kase maso pa ngoni di neraka, kong ngoni tara akan mo lolos.

Matius 3:6

Dorang mangaku dong pe dosa-dosa, turus Yohanes baptis pa dorang di kali Yordan.

Yohanes 8:44

Ngoni pe papa itu Iblis, setang-setang pe raja, barang ngoni suka biking ngoni pe papa itu pe mau. Iblis itu, dari dulu sampe skarang ini, dia pangbunu orang. Dia tara tau biking yang butul, karna pa dia itu tara ada yang butul. Waktu dia bafoya, dia bilang itu memang dari dia pe sifat sandiri, karna dia itu pangbafoya, kong dia itu samua pangbafoya pe papa.

Kisah Para Rasul 13:10

kong bilang, “Woe Iblis pe ana! Ngana memang tukang foya deng jahat. Ngana tukang malawang samua yang butul. Tuhan Allah pe rencana mo kase slamat pa manusia, tapi ngana salalu berusaha kase putar rencana itu.

1 Tesalonika 1:10

deng ngoni me tunggu-tunggu Anak Allah yang mo datang ulang dari sorga. Dia itu suda Yesus, yang biar so mati tapi Tuhan Allah so kase hidup ulang pa Dia. Yesus itu suda yang kase slamat pa torang yang percaya pa Dia dari Tuhan Allah pe hukuman nanti.

Ibrani 6:18

Jadi ada dua hal yang tara perna beruba: pertama, Tuhan Allah pe janji, deng kedua, Dia pe sumpa. Barang, Tuhan Allah tara perna bafoya. Kong karna itu, torang yang cari slamat pa Dia, torang pe hati jadi kuat kong torang bole percaya deng yakin, tong akan tarima samua yang Tuhan Allah so janji pa torang.

1 Yohanes 3:8

Tapi sapa yang biking dosa turus, dia itu Iblis pe ana, karna Iblis itu jaga biking dosa dari dulu. Jadi Yesus Anak Allah itu datang untuk kase ancor samua yang Iblis biking.