Lukas 3:36 - Perjanjian Baru Bahasa Melayu Maluku Utara

³⁶ Salmon pe papa Kenan, Kenan pe papa Arpakhsad, Arpakhsad pe papa Sem, Sem pe papa Nuh, Nuh pe papa Lamekh,

Lukas 3:36 Iomraidhean Croise

Lukas 17:27

Waktu itu, dorang tara tau banjir basar mo datang, jadi dong pe hidup sama biasa, dong makang deng minum sama biasa, deng dong kawing sama biasa. Dorang pe hidup cuma babagitu turus sampe waktu nabi Nuh maso di kapal basar. Kong banjir basar itu datang kase mati pa dorang samua.

Lukas 3:35

Nahor pe papa Serug, Serug pe papa Rehu, Rehu pe papa Peleg, Peleg pe papa Eber, Eber pe papa Salmon,

Lukas 3:37

Lamekh pe papa Metusalah, Metusalah pe papa Henokh, Henokh pe papa Yared, Yared pe papa Mahalaleel, Mahalaleel pe papa Kenan,

Ibrani 11:7

Nuh me percaya pa Tuhan Allah, jadi Tuhan Allah kase tau pa dia akan ada banjir basar. Biar Nuh bolong perna lia macam bagitu, tapi Nuh dengar-dengaran pa Tuhan Allah, jadi dia biking kapal satu yang basar skali untuk kase slamat pa dia deng dia pe keluarga. Kong karna Nuh biking kapal itu, itu jadi tanda dia percaya apa yang Tuhan Allah bilang. Jadi jelas, orang-orang yang tara dengar-dengaran pa Tuhan Allah pantas dapa hukum dari Tuhan Allah. Deng karna Nuh pe percaya itu, dia bole dapa apa yang Tuhan Allah janji, kong Tuhan Allah biking dia jadi orang yang tara sala pa Tuhan Allah pe muka.

1 Petrus 3:20

Roh-roh itu, orang-orang mati pe roh yang waktu jaman Nuh dong tara dengar-dengaran pa Tuhan Allah. Waktu itu Nuh ada biking kapal basar. Sementara itu, Tuhan Allah tunggu deng sabar la manusia jaman itu mo ruba dong pe kalakuang yang tara bae, tapi dorang tara mau. Karna itu, waktu banjir basar datang, cuma delapan orang yang maso di kapal itu kong slamat.

2 Petrus 2:5

Bagitu lagi deng orang-orang yang tara iko pa Tuhan Allah waktu jaman Nuh. Tuhan Allah tara kase biar dorang malawang turus pa Dia, tapi Dia hukum pa dorang deng banjir basar. Kong cuma Nuh deng dia pe keluarga tuju orang yang Tuhan Allah kase slamat dari banjir basar itu, barang Nuh yang kase tau Tuhan Allah pe pasáng kong suru dorang biking yang butul.