Lukas 3:3 - Perjanjian Baru Bahasa Melayu Maluku Utara

³ Karna itu, Yohanes pigi di samua daera dekat kali Yordan, kong kase tau pa orang-orang bagini, “Bertobat suda kong iko pa Tuhan Allah, deng bagitu Tuhan Allah mo kase ampun pa ngoni. Kong kase suda ngoni pe diri la dapa baptis, itu tanda ngoni so bertobat.”

Lukas 3:3 Iomraidhean Croise

Matius 3:11

Kita baptis pa ngoni deng aer, tanda ngoni so bertobat kong iko pa Tuhan Allah. Tapi abis kita ini, ada satu Orang yang mo datang, Dia pe kuasa lebe basar dari kita. Kong mo jadi Dia pe suru-suru yang bawa Dia pe sandal saja me, kita tara pantas. Dia itu nanti yang mo baptis pa ngoni pake Roh Kudus deng api.

Lukas 1:16

Dia yang nanti mo kase mangarti pa banya orang Israel supaya bale iko pa Tuhan Allah, dorang pe Tuhan.

Lukas 1:77

Ngana mo kase tau pa Tuhan Allah pe umat, Dia mo kase slamat pa dorang deng cara Dia mo kase ampun pa dorang dari dorang pe dosa-dosa.

Lukas 4:1

Waktu Yesus di kali Yordan itu, Roh Kudus so kuasai pa Dia. Turus Roh Kudus bawa pa Dia di padang gurun, tampa yang jao dari kampong.

Yohanes 1:28

Yohanes bilang samua itu di kampong Betania, waktu dia di kali Yordan pe sabla timur, tampa yang Yohanes biasa baptis orang.

Yohanes 3:26

Turus Yohanes pe murit-murit itu datang pa Yohanes kong balapor tentang Yesus, “Guru, guru masi inga to, pa Orang yang sama-sama deng guru di kali Yordan pe sabla? Guru perna kase tau tentang Dia. Coba lia pa Dia, Dia me ada baptis orang kong pe banya skali orang yang so datang pa Dia.”

Kisah Para Rasul 13:24

Kong waktu Yesus bolong datang, ada satu orang yang pe nama Yohanes, dia pigi kase tau pa samua orang bangsa Israel, dorang musti bertobat kong kase dong pe diri untuk dapa baptis.

Kisah Para Rasul 19:4

Kong Paulus bilang pa dorang, “Waktu Yohanes baptis orang, itu tanda dorang so bertobat. Tapi Yohanes me kase tau lagi pa orang-orang, nanti abis dia, ada satu Orang lagi mo datang, kong dorang musti percaya pa Dia. Dia itu pe nama Yesus.”

Kisah Para Rasul 22:16

Skarang, jang tunggu lama! Badiri suda, kong kase ngana pe diri dapa baptis, minta pa Tuhan supaya Dia kase ampun ngana pe dosa-dosa.’