Lukas 3:13 - Perjanjian Baru Bahasa Melayu Maluku Utara

¹³ Yohanes bilang bagini, “Waktu ngoni batagi pajak, jang batagi lebe dari yang pemerinta suru ngoni tagi.”

Lukas 3:13 Iomraidhean Croise

Matius 7:12

Jadi, apa saja yang bae yang ngoni suka orang biking pa ngoni, itu suda yang ngoni musti biking pa orang laeng. Deng ngoni biking bagitu, ngoni so biking apa yang tatulis di lima kitab Musa deng di nabi-nabi laeng pe kitab.”

Lukas 19:8

Tapi Zakheus badiri kong bilang pa Tuhan Yesus, “Bapa, Kita mo kase stenga dari kita punya pa orang yang tarada apa-apa. Deng kalu ada orang yang kita so perna kase ruci, kita mo kase pulang pa dorang ampa kali lipa.”

Lukas 3:12

Orang-orang yang tukang tagi pajak me datang pa Yohanes, minta Yohanes baptis pa dorang. Dorang tanya pa Yohanes, “Guru, apa yang torang musti biking?”

Lukas 3:14

Di situ, ada lagi tentara-tentara yang datang. Dorang tanya pa Yohanes, “Kalu torang, apa yang torang musti biking?” Kong Yohanes jawab pa dorang, “Jang ancam orang kong ambe dorang pe doi, deng jang tudu orang bilang dong sala la dong kase doi pa ngoni. Rasa puas suda deng ngoni pe gaji yang ngoni tarima.”

1 Korintus 6:10

orang yang papancuri, orang yang golojo doi deng harta, orang yang pangmabo, orang yang jaga bicara tara butul tentang orang laeng, deng orang yang rampas orang pe barang. Orang-orang ini tara bisa jadi Tuhan Allah pe umat yang Dia Berkuasa sebagai Raja pa dorang pe hidup.

Efesus 4:28

Orang yang papancuri, berenti suda bapancuri. Tapi lebe bae dia rajin bakarja, supaya deng dia pe hasil karja itu dia bole barbage pa orang yang ada kekurangan.

Ibrani 12:1

Sudara-sudara, biar orang-orang percaya dulu-dulu yang kita so bilang tadi itu so mati, dorang pe percaya waktu dong hidup di dunia itu jadi conto la torang iko, sama deng dorang masi hidup kong ada kuliling pa torang. Jadi, mari suda torang berusaha untuk buang samua beban deng lapas suda dosa-dosa yang masi malakat pa tong pe diri, supaya torang tara ada alangan apa-apa, la torang bole percaya butul-butul pa Tuhan Allah. Mari torang berusaha iko pa Dia sama deng torang ada iko lomba lari, torang tara berenti tapi lari turus sampe di garis finis.