Lukas 3:11 - Perjanjian Baru Bahasa Melayu Maluku Utara

¹¹ Yohanes bilang, “Sapa yang ada baju dua, satu musti kase pa orang yang tarada baju, deng sapa yang ada makanang, musti kase lagi pa orang yang tarada makanang.”

Lukas 3:11 Iomraidhean Croise

Matius 25:40

Kong nanti Raja itu akan bilang pa dorang bagini, ‘Inga bae-bae yang Kita bilang pa ngoni ini, samua yang ngoni biking untuk tolong pa satu orang dari Kita pe sudara-sudara yang orang anggap tara penting, itu sama deng ngoni so biking untuk Kita.’

Lukas 11:41

Karna itu, ngoni kase suda apa yang ada pa ngoni deng hati yang bae untuk tolong orang-orang miskin, la deng bagitu ngoni mo biking ngoni pe diri deng hati jadi butul-butul bersi.

Lukas 18:22

Pe dengar itu, Yesus bilang, “Tapi masi ada satu yang ngana bolong biking. Ngana jual samua ngana pe harta kong kase bage-bage doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Lukas 19:8

Tapi Zakheus badiri kong bilang pa Tuhan Yesus, “Bapa, Kita mo kase stenga dari kita punya pa orang yang tarada apa-apa. Deng kalu ada orang yang kita so perna kase ruci, kita mo kase pulang pa dorang ampa kali lipa.”

Yohanes 13:29

Tapi karna Yudas yang pegang doi kas, ada babarapa murit yang pikir kaapa Yesus suru dia pigi bili apa-apa untuk dorang pe keperluan hari raya. Dorang pikir lagi Yudas mo kase sumbangan pa orang-orang miskin.

Kisah Para Rasul 10:2

Dia ini rajin iko Tuhan Allah pe mau. Dia deng dia pe keluarga jaga semba pa Tuhan Allah. Dia jaga bantu pa orang-orang Yahudi yang susa deng dia me rajin berdoa pa Tuhan Allah.

Kisah Para Rasul 10:31

Turus dia bilang pa kita, ‘Kornelius, Tuhan Allah so dengar samua ngana pe doa deng Dia so lia ngana jaga bantu pa orang-orang susa.

Kisah Para Rasul 10:4

Kornelius haga pa malaekat itu deng rasa tako skali, kong dia bilang, “Ada apa bapa?” Malaekat itu bilang pa dia, “Tuhan Allah so dengar ngana pe doa, deng Dia so lia samua yang ngana so bantu pa orang-orang susa. Tuhan Allah tetap inga yang ngana so biking itu.

Efesus 4:28

Orang yang papancuri, berenti suda bapancuri. Tapi lebe bae dia rajin bakarja, supaya deng dia pe hasil karja itu dia bole barbage pa orang yang ada kekurangan.

1 Timotius 6:17

Timotius, ngana musti kase inga pa orang-orang kaya di dunia ini, supaya jang dorang basombong deng jang cuma baharap pa dong pe harta saja. Barang, harta di dunia ini, hari ini ada, tapi beso so abis. Dorang yang kaya itu musti baharap pa Tuhan Allah. Tuhan Allah kase pa torang apa yang torang perlu. Dia yang kase samua pa torang sampe talebe-lebe, supaya torang bole rasa samua itu.

1 Timotius 6:18

Kase inga pa orang-orang kaya itu supaya dorang biking banya barang yang bae. Dorang musti suka kase pa orang-orang apa yang dorang perlu, deng apa yang ada pa dorang musti kase bage-bage pa orang-orang deng sanang hati.

Ibrani 6:10

Barang, Tuhan Allah itu adil, jadi Dia tetap inga ngoni pe bae yang ngoni so biking untuk Dia, deng ngoni pe sayang yang ngoni so kase tunju pa orang-orang yang so jadi Tuhan Allah pe umat, yang ngoni layani dari dulu sampe skarang.

Yakobus 1:27

Tapi ibada yang butul yang torang musti biking pa Tuhan Allah, torang pe Bapa pe muka itu, bagini: tolong pa ana-ana yang dong pe orang tua so tarada, tolong pa janda-janda yang susa, deng jaga diri bae-bae la tara tagoda iko dunia pe mau yang jahat.

Yakobus 2:14

Sudara-sudara, kalu satu orang bilang dia percaya pa Tuhan, tapi dia tara biking apa yang Tuhan mau dalam dia pe hidup, dia pe percaya itu tarada guna. Jadi, Tuhan tara kase slamat pa orang-orang yang percaya macam bagitu.

1 Yohanes 3:17

Kalu ada orang yang dia pe hidup talebe sadiki, kong dia lia dia pe sudara yang percaya pe hidup susa tapi dia tara tolong, itu Tuhan Allah pe sayang tara ada di dia pe hati.

1 Yohanes 4:20

Kalu ada orang bilang, “Kita sayang pa Tuhan Allah,” tapi dia binci dia pe sudara yang percaya, itu dia bafoya. Karna sapa saja yang tara sayang pa orang laeng yang dia lia, tara mungkin dia sayang pa Tuhan Allah yang dia tara dapa lia.