Lukas 3:1 - Perjanjian Baru Bahasa Melayu Maluku Utara

¹ Tiberius so jadi raja basar Roma, kong waktu maso taong kelima blas, Pontius Pilatus yang jadi gubernur di daera Yudea, deng Herodes jadi raja di daera Galilea, Herodes pe sudara nama Filipus jadi raja di daera Iturea deng daera Trakhonitis, turus Lisanias jadi raja di daera Abilene.

Lukas 3:1 Iomraidhean Croise

Matius 14:1

Waktu itu, Herodes yang jadi raja di daera Galilea, dia dengar kabar tentang Yesus.

Matius 14:3

Raja Herodes bilang bagitu, barang tempo hari, dia yang suru tangka pa Yohanes kong ika deng rante, turus kase maso di penjara. Dia biking bagitu karna masala Herodias. Dia pe carita bagini: raja Herodes ambe pa Herodias kong kase jadi dia pe bini. Padahal, Herodias so kawing deng Filipus, Herodes pe sudara sandiri.

Matius 14:6

Satu kali bagini, waktu Herodes pe hari jadi, Herodias pe ana parampuang baronggeng di muka Herodes deng dia pe tamu-tamu. Dia manari biking Herodes pe hati sanang.

Matius 22:17

Jadi skarang torang mo tanya pa Guru, kalu iko torang pe aturan agama, bole ka tarada torang bayar pajak pa raja basar Roma?”

Matius 27:2

Jadi dorang ika pa Yesus, kong dorang bawa, turus serakan pa gubernur Pilatus.

Markus 6:17

Raja Herodes bilang bagitu, barang tempo hari dia yang suru tangka pa Yohanes, kong ika deng rante, turus kase maso di penjara. Dia biking bagitu karna masala Herodias. Dia pe carita bagini: raja Herodes ambe pa Herodias kong kase jadi dia pe bini. Padahal, Herodias so kawing deng Filipus, raja Herodes pe sudara sandiri.

Markus 6:21

Satu kali bagini, Herodias dapa slak mo balas dia pe hati saki pa Yohanes. Waktu itu raja Herodes ada biking dia pe pesta ulang taong, kong dia undang dia pe pejabat-pejabat, komandan-komandan deng orang-orang penting laeng di daera Galilea.

Lukas 13:31

Waktu Yesus masi bicara, babarapa orang Yahudi dari aliran Farisi datang pa Dia. Dorang bilang, “Bapa, pigi suda di tampa laeng, barang raja Herodes mo bunu pa Bapa.”

Lukas 2:1

Waktu itu, ada raja basar Roma, dia pe nama Agustus. Dia kase kaluar parenta pa samua daera di dunia yang dia kuasai, supaya kase daftar samua orang pe nama.

Lukas 23:24

Kong Pilatus ambe keputusan supaya kase iko dorang pe mau.

Lukas 3:19

Yohanes me togor pa raja Herodes. Herodes ini berkuasa di daera Galilea. Yohanes togor pa Herodes, barang Herodes kawing deng Herodias, dia pe ipar sandiri. Yohanes me togor lagi pa Herodes, barang banya skali kajahatan laeng yang Herodes biking.

Lukas 9:7

Waktu itu, Herodes yang jadi raja di daera Galilea. Dia dengar tentang samua yang Yesus biking. Dia penasaran, barang ada orang yang bilang kata, Yesus itu Yohanes Pembaptis yang dulu mati tapi so hidup ulang.

Kisah Para Rasul 23:26

“Bapa gubernur Feliks yang kita hormati. Salam dari kita, Klaudius Lisias.

Kisah Para Rasul 24:27

Pe lewat dua taong, gubernur Feliks pe masa karja abis. Kong yang ganti pa dia jadi gubernur itu, Perkius Festus. Tapi Feliks kase biar pa Paulus di penjara, barang dia mo ambe hati pa orang-orang Yahudi.

Kisah Para Rasul 26:30

Pe abis Paulus bicara bagitu, raja Agripa, Bernike, gubernur Festus deng orang-orang yang ada dudu sama-sama deng dorang itu badiri.

Kisah Para Rasul 4:27

Apa yang raja Daud bilang dulu itu, butul-butul so jadi skarang. Di kota ini, raja Herodes, gubernur Pontius Pilatus, orang-orang bangsa Israel deng orang-orang bangsa laeng yang bukang Yahudi, dorang samua itu so baku ator supaya malawang pa Yesus, Orang yang Tuhan Allah so pili, yang suci, deng yang jaga biking apa yang Tuhan Allah suru.