Lukas 24:44 - Perjanjian Baru Bahasa Melayu Maluku Utara

⁴⁴ Kong Dia bilang pa dorang, “Kita bilang ini pa ngoni waktu Kita masi sama-sama deng ngoni: samua yang tatulis tentang Kita di lima kitab Musa, nabi-nabi laeng pe kitab, deng kitab Mazmur, samua itu musti mo jadi.”

Lukas 24:44 Iomraidhean Croise

Matius 1:22

Samua itu Tuhan Allah so bilang dulu pa Dia pe nabi, kong skarang samua itu so jadi. Yang Tuhan Allah bilang itu bagini,

Matius 16:21

Mulai dari itu, Yesus bilang turus tarang pa Dia pe murit-murit, Dia musti pigi di kota Yerusalem, kong di sana Dia mo dapa banya siksa dari tua-tua Yahudi, imam-imam kapala deng guru-guru agama Yahudi yang ahli lima kitab Musa. Dorang itu mo bunu pa Dia, tapi di hari ketiga Tuhan Allah mo kase hidup ulang pa Dia.

Matius 26:54

Tapi kalu Kita biking bagitu, itu pe arti, samua yang tatulis di Kitab Suci tentang Kita skarang ini, tara akan jadi.”

Matius 26:56

Tapi biar suda, karna memang samua itu musti jadi, sama deng yang Tuhan Allah so bilang dari dulu pa nabi-nabi yang so tatulis di Kitab Suci.” Kong Yesus pe murit samua lari kase tinggal pa Dia.

Markus 9:31

karna Dia ada mangajar pa Dia pe murit-murit. Dia bilang pa Dia pe murit-murit bagini, “Nanti Anak Manusia yang dari sorga mo dapa serakan pa orang-orang, kong mo dapa bunu, tapi mo hidup ulang di hari ketiga.”

Lukas 21:22

Karna hari-hari itu, Tuhan Allah mo kase hukuman, supaya apa yang ada janji di Kitab Suci itu samua mo jadi.

Lukas 22:37

Kita bilang pa ngoni, apa yang Tuhan Allah janji di Kitab Suci tentang Kita, memang mo jadi. Ini yang tatulis di Kitab Suci, ‘Orang anggap, Dia itu orang jahat.’ Karna apa yang ada tatulis tentang Kita, skarang samua itu mo jadi.”

Lukas 24:46

Dia bilang pa dorang, “Di Kitab Suci tatulis, Kita, Mesias, Raja yang Tuhan Allah janji mo kase slamat pa manusia musti menderita, mati, kong di hari yang ketiga Kita mo hidup ulang.

Lukas 9:22

Abis itu Yesus bilang lagi, “Anak Manusia yang dari sorga musti dapa banya siksa, kong dapa tolak dari tua-tua Yahudi, imam-imam kapala deng guru-guru agama Yahudi yang ahli lima kitab Musa. Dia mo dapa bunu, tapi di hari ketiga Tuhan Allah mo kase hidup ulang pa Dia.”

Lukas 9:44

“Dengar deng perhatikan bae-bae yang Kita bilang ini. Nanti Anak Manusia yang dari sorga mo dapa serakan pa orang-orang.”

Yohanes 3:14

Dulu, waktu torang orang Israel pe orang tua-tua dapa gigi dari ular di padang gurun, nabi Musa biking ular satu dari tembaga kong kase nae di kayu, supaya sapa yang dapa gigi dari ular, kong balia di ular tembaga itu, dia bole tetap hidup. Jadi bagitu lagi deng Anak Manusia yang dari sorga mo dapa angka di kayu salib,

Yohanes 5:39

Ngoni ini ada balajar bae-bae Kitab Suci, karna ngoni pikir, deng balajar bae-bae bagitu, ngoni mo dapa hidup deng Tuhan Allah slama-lamanya. Padahal di Kitab Suci itu suda ada kase tau tentang Kita mo datang.

Yohanes 5:46

Deng dia lagi ada tulis tentang Kita yang Tuhan Allah janji mo datang ini. Jadi kalu ngoni percaya aturan yang nabi Musa tulis itu, ngoni me musti percaya lagi pa Kita, barang nabi Musa me so tulis tentang Kita.

Kisah Para Rasul 13:33

Janji itu Tuhan Allah so biking pa torang, dorang pe ana cucu, deng cara so kase hidup ulang pa Yesus. Itu sama deng yang tatulis di kitab Mazmur, di situ Tuhan Allah bilang bagini tentang Yesus, ‘Ngana Kita pe Ana, hari ini Kita so jadi Ngana pe Papa.’

Kisah Para Rasul 13:40

Jadi skarang, ngoni musti bae-bae, supaya apa yang Tuhan Allah bilang dulu itu pa Dia pe nabi-nabi, tara mo jadi pa ngoni. Bagini yang Tuhan Allah bilang,

Kisah Para Rasul 2:27

Barang, Tuhan tara akan kase biar kita mati turus-turus, deng Tuhan tara akan kase biar Dia pe Orang Kudus pe badan jadi busu di dalam kubur.

Kisah Para Rasul 3:18

Tapi Tuhan Allah kase biar bagitu, barang dari dulu Dia so bilang pa Dia pe nabi-nabi, Mesias yang Dia utus mo kase slamat pa manusia, nanti mo dapa banya siksa.

Kisah Para Rasul 7:37

Musa ini lagi yang bilang pa orang-orang Israel bagini, ‘Tuhan Allah mo utus Nabi satu pa ngoni yang mo kase turus Tuhan Allah pe pasáng, sama deng Dia so utus pa kita jadi nabi. Orang itu satu dari torang orang Israel pe turunan.’

Ibrani 10:1

Cara semba pa Tuhan Allah iko aturan-aturan di lima kitab Musa, itu bole kase sama deng bayangan yang tara sama deng dia pe asli. Dia pe asli itu cara semba yang butul pa Tuhan Allah karna Yesus Kristus so datang. Kalu iko aturan-aturan itu, orang yang mo semba pa Tuhan Allah musti kase binatang korban persembahan turus-turus tiap taong. Tapi biar dong kase binatang korban persembahan turus-turus tiap taong, itu tara biking dong jadi sempurna pa Tuhan Allah pe muka.

Ibrani 3:5

Nabi Musa memang setia pa Tuhan Allah pe umat sama deng orang karja yang setia pa dia pe tuang. Nabi Musa setia kase tau pa Tuhan Allah pe umat tentang apa yang Tuhan Allah mo biking yang mo jadi nanti.

Ibrani 7:1

Dulu, Melkisedek jadi raja di kota Salem, deng dia lagi imam dari Tuhan Allah yang Paling Tinggi. Satu kali waktu Abraham pulang dari prang kase kala raja-raja, Melkisedek kaluar dari kota Salem kong jemput pa Abraham deng berdoa minta Tuhan Allah kase berkat pa Abraham.

Ibrani 9:8

Kong deng aturan-aturan itu, Roh Kudus biking tong mangarti, bolong ada jalang la tong badekat pa Tuhan Allah selama masi ada ruang yang pertama deng dia pe pampele itu.

1 Petrus 1:11

Yesus Kristus pe Roh yang ada pa nabi-nabi itu yang kase tau pa dorang tentang Dia mo dapa sengsara, deng abis itu dapa puji deng hormat. Jadi, nabi-nabi itu me cari tau lagi bagimana deng tempo apa itu mo jadi.

Wahyu 19:10

Kong kita berlutut di malaekat itu pe muka la mo semba pa dia. Tapi dia togor pa kita bagini, “Jangan! Jang ngana semba pa kita! Semba saja pa Tuhan Allah. Karna kita ini cuma sama deng ngana deng sudara-sudara laeng yang jaga biking apa yang Tuhan suru. Torang samua ini yang jaga kase tau tentang Yesus pa orang-orang. Sapa yang kase tau itu, dia itu butul-butul yang Roh Kudus pake untuk kase tau Tuhan Allah pe pasáng.”