Lukas 24:39 - Perjanjian Baru Bahasa Melayu Maluku Utara

³⁹ Coba ngoni lia Kita pe tangan deng kaki, ini memang Kita. Coba ngoni lia deng raba pa Kita. Kita ada daging deng tulang, beda deng spok.”

Lukas 24:39 Iomraidhean Croise

Lukas 23:46

Turus Yesus bataria kuat-kuat, Dia bilang, “Bapa, Kita serakan Kita pe nyawa pa Bapa.” Abis bilang bagitu, Yesus putus napas.

Lukas 24:38

Tapi Yesus bilang pa dorang, “Bikiapa kong ngoni tako deng ngoni ragu di ngoni pe hati?

Lukas 24:40

Sementara Yesus bilang bagitu, Dia kase tunju Dia pe tangan deng kaki pa dorang.

Yohanes 20:20

Kong abis Yesus bilang bagitu, Dia kase lia pa dorang Dia pe tangan deng lambung. Murit-murit itu sanang skali waktu dorang lia pa Tuhan.

Yohanes 20:25

Jadi Yesus pe murit-murit laeng bilang pa Tomas, “Tomas, torang so lia pa Tuhan!” Tapi Tomas bilang pa dorang, “Kalu kita bolong lia bakas paku pa Dia pe tangan, deng kalu kita bolong cucu kita pe jari di situ, deng kita bolong kase maso kita pe tangan pa Dia pe lambung, kita tara akan percaya.”

Yohanes 20:27

Kong Dia bilang pa Tomas, “Tomas, lia Kita pe tangan ini kong ngana cucu suda ngana pe jari pa Kita pe tangan. Ngana kase maso ngana pe tangan pa Kita pe lambung ini. Jadi jang bilang ngana tara percaya lagi Kita so hidup ulang, tapi percaya suda.”

Kisah Para Rasul 1:3

Pa dorang itu, waktu Yesus mati kong hidup ulang, Dia kase tunju Dia pe diri ulang-ulang la dorang tau butul-butul, Dia memang so hidup ulang. Dia kase tunju Dia pe diri pa dorang selama ampa pulu hari kong bicara pa dorang tentang bagimana Tuhan Allah Berkuasa sebagai Raja.

1 Tesalonika 5:23

Tuhan Allah yang biking torang pe hati tetap tenang, jadi torang minta supaya Dia biking ngoni jadi Dia pe umat sandiri yang hidup deng hati bersi. Torang minta supaya Dia jaga ngoni pe badan, hati deng jiwa, supaya ngoni tarada sala apa-apa waktu torang pe Tuhan Yesus Kristus datang ulang.

Ibrani 12:9

Memang torang pe papa di dunia jaga togor pa torang, kong torang hormati pa dia. Apalagi waktu torang pe Bapa di sorga togor pa torang, torang musti lebe hormati deng dengar-dengaran pa Dia, supaya torang bole dapa hidup deng Tuhan Allah slama-lamanya.

1 Yohanes 1:1

Surat ini torang tulis tentang Yesus Kristus. Dia itu Firman yang biking orang bole dapa hidup deng Tuhan Allah slama-lamanya. Firman itu memang so ada dari pertama dunia bolong jadi. Torang so dengar deng so lia pa Dia deng torang pe mata kapala sandiri. Torang me so pegang pa Dia deng tong pe tangan sandiri.