Lukas 24:32 - Perjanjian Baru Bahasa Melayu Maluku Utara

³² Kong dorang baku bilang, “Pantas waktu Dia ada bacarita deng torang di jalang deng kase jelas Kitab Suci itu, torang pe hati smangat skali!”

Lukas 24:32 Iomraidhean Croise

Markus 4:34

Yesus jaga pake umpama, kalu mangajar pa orang laeng. Tapi kalu pa Dia pe murit-murit, Dia kase jelas umpama itu pe arti.

Lukas 24:45

Di situ Yesus biking dorang dapa mangarti Kitab Suci pe arti.

Yohanes 6:63

Manusia tara mungkin mo dapa hidup deng Tuhan Allah slama-lamanya pake dia pe usaha sandiri, cuma Roh Kudus yang bole biking manusia hidup deng Tuhan Allah slama-lamanya. Samua kata-kata yang Kita bilang pa ngoni, pe asal dari Roh Kudus, kong kata-kata itu lagi yang kase hidup deng Tuhan Allah slama-lamanya.

Kisah Para Rasul 28:23

Abis itu, dorang tentukan satu hari lagi la mo baku dapa ulang deng Paulus. Pas hari itu, banya skali orang datang pa Paulus pe tampa tinggal. Pagi sampe sore, Paulus kase tau deng basaksi pa dorang tentang Tuhan Allah Berkuasa sebagai Raja pa Dia pe umat. Paulus me pake ayat-ayat yang ada di lima kitab Musa deng ayat-ayat di nabi-nabi laeng pe kitab supaya dorang mangarti kong percaya pa Yesus.

Ibrani 4:12

Barang, Tuhan Allah pe firman itu hidup deng ada kuasa. Firman itu bisa nilai samua torang pe pikiran deng torang pe maksut yang ada di torang pe hati. Tara ada satu yang bisa torang sambunyi. Firman itu lebe tajam dari parang yang muka-balakang tajam skali. Itu kalu kase pake bapotong, bisa sampe kase tabuka isi deng tulang-tulang samua.