Lukas 24:30 - Perjanjian Baru Bahasa Melayu Maluku Utara

³⁰ Waktu Yesus dudu makang sama-sama deng dorang, Dia ambe roti kong bilang tarimakasi pa Tuhan Allah. Turus, Yesus pela-pela roti itu kong kase barbage pa dong dua.

Lukas 24:30 Iomraidhean Croise

Matius 14:19

Turus, Dia suru orang banya itu dudu di atas rumpu. Kong Dia ambe roti lima deng ikang dua itu. Dia mangada di langit kong batarimakasi pa Tuhan Allah. Abis itu, Dia pela-pela roti itu kong kase pa Dia pe murit-murit. Turus, Dia pe murit-murit kase bage-bage pa orang banya.

Matius 15:36

Abis itu, Dia ambe roti tuju deng babarapa ikang itu, kong Dia bilang tarimakasi pa Tuhan Allah. Turus Dia pela-pela roti deng ikang itu, kong kase pa Dia pe murit-murit, turus dorang kase bage-bage pa orang banya itu.

Matius 26:26

Waktu Yesus deng Dia pe murit-murit sementara makang, Yesus ambe roti kong bilang tarimakasi pa Tuhan Allah. Abis itu, Dia pela-pela roti itu kong Dia kase pa dorang, Dia bilang, “Roti ini Kita pe badan, ambe kong makang suda.”

Markus 14:22

Waktu Yesus deng Dia pe murit-murit sementara makang, Yesus ambe roti kong bilang tarimakasi pa Tuhan Allah. Abis itu, Dia pela-pela roti itu kong Dia kase pa dorang, Dia bilang, “Roti ini Kita pe badan, ambe suda.”

Markus 6:41

Abis itu, Yesus ambe roti lima deng ikang dua itu, kong Dia mangada ka atas di langit kong bilang tarimakasi pa Tuhan Allah. Turus, Dia pela-pela roti, kong Dia kase pa murit-murit, la dorang kase bage-bage pa samua orang yang ada di situ. Bagitu lagi deng ikang dua itu, Dia kase bage-bage pa dorang samua.

Markus 8:6

Turus Yesus suru orang banya itu dudu di tana. Abis itu, Dia ambe roti tuju itu, Dia bilang tarimakasi pa Tuhan Allah. Dia pela-pela roti itu kong kase pa Dia pe murit-murit, turus dorang kase bage-bage pa orang banya itu.

Lukas 22:19

Turus, Yesus ambe roti, kong bilang tarimakasi pa Tuhan Allah. Dia pela-pela roti itu kong kase pa dorang, Dia bilang, “Roti ini, Kita pe badan yang Kita serakan untuk ngoni. Makang ini untuk inga pa Kita!”

Lukas 24:29

Tapi dong paksa skali pa Dia, dong bilang, “Tinggal dulu deng torang, barang skarang so sore, kong matahari so mo maso.” Turus Yesus maso untuk tinggal sama-sama deng dorang dua.

Lukas 24:35

Turus dorang dua kase carita apa yang so jadi pa dorang di tenga jalang tadi, deng bagimana dorang dapa kanal pa Tuhan Yesus waktu Dia kase pela-pela roti itu.

Lukas 9:16

Waktu dong so dudu, Yesus ambe roti lima deng ikang dua itu. Dia mangada di langit, kong dia bilang tarimakasi pa Tuhan Allah. Turus, Dia pela-pela roti itu kong kase pa Dia pe murit-murit la dong barbage pa orang banya itu.

Yohanes 6:11

Kong Yesus ambe roti itu, Dia bilang tarimakasi pa Tuhan Allah, turus Dia kase bage-bage pa dorang yang dudu di situ. Bagitu lagi yang Yesus biking deng ikang-ikang. Kong dorang samua makang sampe puas.

Kisah Para Rasul 2:42

Orang-orang percaya itu jaga bakumpul sama-sama untuk baku kase kuat dorang pe percaya pa Yesus. Dorang rajin dengar ajaran tentang Yesus dari rasul-rasul. Dorang pela-pela roti kong makang sama-sama, supaya inga Tuhan Yesus pe sengsara deng kematian. Dorang me berdoa sama-sama.

Kisah Para Rasul 2:46

Tiap hari, dorang bakumpul deng satu hati di Ruma Ibada Pusat pe kompleks. Dorang me makang sama-sama dari ruma yang satu pigi di ruma yang laeng deng rasa sanang deng hati yang sunggu-sunggu.

Kisah Para Rasul 27:35

Abis bilang bagitu, Paulus ambe roti kong bilang tarimakasi pa Tuhan Allah pa dorang samua pe muka. Dia pela-pela roti itu kong mulai makang.