Lukas 24:27 - Perjanjian Baru Bahasa Melayu Maluku Utara

²⁷ Abis bilang bagitu, turus Yesus kase jelas pa dorang apa yang tatulis tentang Dia di samua Kitab Suci, mulai dari kitab-kitab yang nabi Musa tulis sampe di kitab-kitab yang nabi-nabi laeng ada tulis.

Lukas 24:27 Iomraidhean Croise

Markus 4:34

Yesus jaga pake umpama, kalu mangajar pa orang laeng. Tapi kalu pa Dia pe murit-murit, Dia kase jelas umpama itu pe arti.

Lukas 24:25

Kong Yesus bilang pa dorang, “Wah, ngoni memang bodo skali. Pe lama ngoni masi bolong percaya samua yang nabi-nabi so tulis di Kitab Suci.

Lukas 24:44

Kong Dia bilang pa dorang, “Kita bilang ini pa ngoni waktu Kita masi sama-sama deng ngoni: samua yang tatulis tentang Kita di lima kitab Musa, nabi-nabi laeng pe kitab, deng kitab Mazmur, samua itu musti mo jadi.”

Yohanes 1:45

Abis Yesus pangge pa Filipus untuk iko pa Dia, Filipus pigi cari baku dapa deng dia pe tamang Natanael kong bilang pa dia, “Natanael e, torang so baku dapa deng Dia yang Tuhan Allah so janji dulu mo datang! Dia yang nabi Musa tulis dulu di lima kitab Musa, deng nabi-nabi laeng jaga bilang lagi. Dia itu pe nama Yesus, Yusuf pe ana laki-laki dari kampong Nazaret.”

Yohanes 12:41

Nabi Yesaya bilang bagitu, karna waktu Yesus bolong datang, Tuhan Allah so kase penglihatan pa nabi Yesaya tentang Yesus pe kuasa yang hebat, kong kase tau tentang Yesus yang mo datang itu.

Yohanes 5:37

Kong lebe dari itu lagi, Kita pe Bapa yang utus pa Kita, Dia sandiri yang basaksi kase tau pa manusia sapa itu Kita sebenarnya. Tapi ngoni pemimpin-pemimpin agama Yahudi tara perna dengar Dia pe suara, deng ngoni tara perna lia pa Dia.

Yohanes 5:39

Ngoni ini ada balajar bae-bae Kitab Suci, karna ngoni pikir, deng balajar bae-bae bagitu, ngoni mo dapa hidup deng Tuhan Allah slama-lamanya. Padahal di Kitab Suci itu suda ada kase tau tentang Kita mo datang.

Kisah Para Rasul 10:43

Dulu, samua nabi so perna kase tau Tuhan Allah pe pasáng yang bilang, Yesus mo datang. Dorang bilang kalu orang percaya pa Dia, orang itu pe dosa-dosa pasti mo dapa ampun karna Yesus pe kuasa.”

Kisah Para Rasul 3:18

Tapi Tuhan Allah kase biar bagitu, barang dari dulu Dia so bilang pa Dia pe nabi-nabi, Mesias yang Dia utus mo kase slamat pa manusia, nanti mo dapa banya siksa.

Kisah Para Rasul 3:22

Dulu, nabi Musa so perna kase tau tentang Yesus mo datang, dia bilang bagini, ‘Tuhan Allah mo utus Nabi satu pa ngoni, yang mo kase turus Dia pe pasáng pa ngoni, sama deng kita jaga biking. Orang itu satu dari torang orang Israel pe turunan. Jadi ngoni musti dengar samua yang Dia bilang pa ngoni.’

Kisah Para Rasul 3:24

Bukang cuma nabi Musa saja yang perna bilang Yesus mo datang, tapi samua nabi, mulai dari nabi Samuel sampe nabi-nabi yang laeng me bilang bagitu.

Kisah Para Rasul 7:37

Musa ini lagi yang bilang pa orang-orang Israel bagini, ‘Tuhan Allah mo utus Nabi satu pa ngoni yang mo kase turus Tuhan Allah pe pasáng, sama deng Dia so utus pa kita jadi nabi. Orang itu satu dari torang orang Israel pe turunan.’

Kisah Para Rasul 8:35

Turus, mulai dari bagian kitab nabi Yesaya itu, Filipus kase tau Kabar Bae tentang Yesus Kristus pa pejabat itu.

Wahyu 19:10

Kong kita berlutut di malaekat itu pe muka la mo semba pa dia. Tapi dia togor pa kita bagini, “Jangan! Jang ngana semba pa kita! Semba saja pa Tuhan Allah. Karna kita ini cuma sama deng ngana deng sudara-sudara laeng yang jaga biking apa yang Tuhan suru. Torang samua ini yang jaga kase tau tentang Yesus pa orang-orang. Sapa yang kase tau itu, dia itu butul-butul yang Roh Kudus pake untuk kase tau Tuhan Allah pe pasáng.”