Lukas 23:53 - Perjanjian Baru Bahasa Melayu Maluku Utara

⁵³ Waktu Yusuf so dapa ijin, dia kase turung Yesus pe mayat dari kayu salib. Turus dia bungkus deng kaeng puti alus sama deng orang Yahudi biasa biking waktu kubur orang mati, kong dia kubur di kubur goa yang ada gale di bukit batu. Kubur itu orang bolong perna pake bakubur.

Lukas 23:53 Iomraidhean Croise

Markus 15:46

Turus Yusuf pigi bili kaeng puti alus, kong dia kase turung Yesus pe mayat dari salib. Abis itu, dia bungkus Yesus pe mayat deng kaeng itu kong taru di dalam kubur goa satu yang so gale di bukit batu, baru dia guling batu basar satu mo kase tutu kubur goa itu pe pintu.

Lukas 23:52

Dia pi mangada pa Pilatus kong minta supaya Pilatus kase Yesus pe mayat pa dia.

Lukas 23:54

Yesus mati hari Jumat, pas persiapan hari Sabat. Hari itu, orang agama Yahudi musti kase selesai dorang pe karja samua waktu matahari bolong maso, karna di hari Sabat dorang so tara bole bakarja. Jadi, waktu Yusuf kubur pa Yesus hari itu so mo malam kong hari Sabat so mo mulai.

Yohanes 19:41

Di dekat Yesus pe tampa salib itu, ada kobong satu. Kong di kobong itu, ada kubur goa satu yang baru, yang bolong perna pake bakubur.

Kisah Para Rasul 13:29

Turus, dorang biking samua yang nabi-nabi so bilang dari dulu tentang Dia. Dorang bunu pa Dia baru dorang kase turung pa Dia dari salib kong dong kubur pa Dia.