Lukas 23:35 - Perjanjian Baru Bahasa Melayu Maluku Utara

³⁵ Orang banya yang badiri di situ lia samua yang jadi, kong pemimpin-pemimpin Yahudi hina pa Yesus. Dorang bilang, “Orang laeng Dia kase slamat. Skarang biar suda Dia kase slamat Dia pe diri sandiri, kalu memang butul Dia itu Mesias, Raja yang Tuhan Allah so pili untuk kase slamat pa manusia.”

Lukas 23:35 Iomraidhean Croise

Matius 12:18

“Ini suda Dia yang Kita pili untuk biking apa yang Kita suru. Kita sayang pa Dia. Dia biking sanang Kita pe hati. Kita mo kase pa Dia Kita pe Roh, kong Dia yang mo kase tau pa suku-suku bangsa, Kita nanti mo adili pa samua orang deng cara yang adil.

Matius 3:17

Kong dapa dengar Tuhan Allah pe suara dari sorga bagini, “Ini Kita pe Anak, Kita paling sayang pa Dia. Dia yang biking Kita pe hati sanang.”

Lukas 16:14

Waktu itu, babarapa orang Yahudi dari aliran Farisi dengar samua yang Yesus bilang itu. Kong dorang kase tatawa pa Dia, barang dong golojo doi.

Lukas 23:13

Abis itu, gubernur Pilatus pangge pa imam-imam kapala, pemimpin-pemimpin Yahudi deng orang-orang Yahudi yang laeng bakumpul pa dia pe istana.

Lukas 23:39

Kong satu dari dua orang jahat yang ada kase salib itu bahina pa Yesus, dia buang kata, “Ngana Kristus, to? Raja yang Tuhan Allah janji mo kase slamat pa manusia. Kalu bagitu, coba kase slamat suda Ngana pe diri deng torang dua lagi!”

1 Petrus 2:4

Datang suda pa Tuhan Yesus. Dia itu sama deng batu yang hidup, barang Dia yang biking manusia bole hidup. Dia itu sama deng batu yang manusia so buang, tapi Tuhan Allah pili Dia itu jadi sama deng batu fandasi yang paling penting.