Lukas 23:32 - Perjanjian Baru Bahasa Melayu Maluku Utara

³² Waktu itu, tentara-tentara Roma bawa orang jahat dua lagi, la mo kase salib sama-sama deng Yesus.

Lukas 23:32 Iomraidhean Croise

Matius 27:38

Di situ me dorang ada salib lagi perampok dua orang sama-sama deng Yesus, yang satu pa Yesus pe sabla kanan, deng yang satu lagi pa Yesus pe sabla kiri.

Markus 15:27

Di situ me dorang ada kase salib lagi perampok dua orang sama-sama deng Yesus, yang satu pa Yesus pe sabla kanan deng yang satu lagi pa Yesus pe sabla kiri. [

Lukas 22:37

Kita bilang pa ngoni, apa yang Tuhan Allah janji di Kitab Suci tentang Kita, memang mo jadi. Ini yang tatulis di Kitab Suci, ‘Orang anggap, Dia itu orang jahat.’ Karna apa yang ada tatulis tentang Kita, skarang samua itu mo jadi.”

Lukas 23:31

Kita bilang bagitu karna pa Kita saja yang tara biking dosa dorang kase salib bagini, apalagi pa ngoni yang jaga biking dosa. Kita sama deng pohong yang bolong kiring jadi tara mo tabakar samua. Tapi ngoni sama deng pohong yang so kiring, jadi kalu kanal api langsung tabakar samua.”

Yohanes 19:18

Di tampa itu dorang kase salib pa Yesus. Kong di situ me dorang ada kase salib dua orang lagi, yang satu pa Yesus pe sabla kanan, yang satu lagi pa Yesus pe sabla kiri, kong Yesus pa dorang pe tenga-tenga.

2 Timotius 2:9

Waktu kita kase tau Kabar Bae itu, orang-orang kase siksa pa kita. Dorang rante pa kita, turus dorang tahang pa kita di penjara sama deng kita ini orang jahat. Tapi biar dorang biking bagitu, Kabar Bae dari Tuhan Allah dorang tara bisa kase berenti.

Ibrani 12:2

Mari suda torang biking turus sama deng orang yang iko lomba itu, jang lia kiri-kanan tapi lia pa Yesus turus. Barang, Dia yang pimpin pa torang, supaya torang bole percaya pa Tuhan Allah, deng Dia yang biking torang pe percaya jadi sempurna. Waktu dapa salib, Dia tetap batahang. Deng biar Dia dapa hina, Dia tara peduli, karna Dia tau, abis itu, Dia akan sanang. Skarang, Dia so ada di tampa yang terhormat, pa Tuhan Allah pe sabla kanan di sorga.