Lukas 23:19 - Perjanjian Baru Bahasa Melayu Maluku Utara

¹⁹ Barabas itu orang yang dapa kase maso di penjara, barang di kota Yerusalem dia ada marontak pa pemerinta Roma deng dia ada bunu orang.

Lukas 23:19 Iomraidhean Croise

Markus 15:7

Waktu itu, ada orang jahat satu dia pe nama Barabas. Dia maso penjara sama-sama deng orang-orang laeng, barang dorang ada bunu orang waktu marontak pa pemerinta Roma.

Lukas 23:18

Tapi waktu orang banya dengar bagitu, dorang samua yang ada di situ bataria sama-sama, bilang, “Bunu suda pa Dia, la kase bebas pa Barabas untuk torang!”

Lukas 23:2

Di situ dorang mulai tudu pa Dia, bilang bagini, “Dia ini so pengaru torang pe orang-orang satu bangsa la jang bayar pajak pa pemerinta Roma. Dia bilang lagi Dia itu Kristus, yang pe arti, Raja yang Tuhan Allah janji mo kase slamat pa manusia.”

Lukas 23:20

Tapi Pilatus ingin kase bebas pa Yesus. Jadi dia bicara ulang deng suara yang kuat pa orang-orang yang ada di situ.

Lukas 23:5

Tapi dorang lebe tamba bilang yang tara bae lagi tentang Yesus, dong bilang, “Dia ini so pengaru banya orang di samua daera Yudea deng Dia pe ajaran supaya malawang pa pemerinta. Dia mulai dari daera Galilea kong so sampe di sini, di kota Yerusalem.”

Kisah Para Rasul 21:38

Berarti ngana ini bukang orang Mesir itu yang bolong lama ini marontak pa pemerinta kong bawa lari ampa ribu orang yang tukang biking kaco pake senjata di padang gurun.”

Kisah Para Rasul 3:14

Yesus itu yang Kudus deng yang Butul pa Tuhan Allah pe muka, tapi ngoni tetap tara tarima pa Dia. Mala ngoni minta gubernur kase bebas pa orang yang jaga bunu orang.