Lukas 23:11 - Perjanjian Baru Bahasa Melayu Maluku Utara

¹¹ Kong Herodes deng dia pe tentara-tentara mulai ejek deng hina pa Yesus, kong dorang kase pake pa Dia juba bagus yang sama deng raja-raja jaga pake. Turus, dorang kase bale ulang Dia pa Pilatus.

Lukas 23:11 Iomraidhean Croise

Matius 14:1

Waktu itu, Herodes yang jadi raja di daera Galilea, dia dengar kabar tentang Yesus.

Matius 14:3

Raja Herodes bilang bagitu, barang tempo hari, dia yang suru tangka pa Yohanes kong ika deng rante, turus kase maso di penjara. Dia biking bagitu karna masala Herodias. Dia pe carita bagini: raja Herodes ambe pa Herodias kong kase jadi dia pe bini. Padahal, Herodias so kawing deng Filipus, Herodes pe sudara sandiri.

Matius 14:6

Satu kali bagini, waktu Herodes pe hari jadi, Herodias pe ana parampuang baronggeng di muka Herodes deng dia pe tamu-tamu. Dia manari biking Herodes pe hati sanang.

Markus 9:12

Yesus bilang pa dorang bagini, “Memang, nabi Elia itu akan datang kamuka supaya kase siap samua-samua. Tapi ada lagi tatulis, to? Anak Manusia yang dari sorga akan banya menderita deng akan dapa tolak.

Lukas 23:10

Sementara itu, orang Yahudi pe imam-imam kapala deng guru-guru agama yang ahli lima kitab Musa maju di muka kong tudu yang barát-barát pa Yesus.

Yohanes 19:5

Waktu Yesus kaluar, Dia ada pake makota satu dari cabang-cabang kacil yang baduri deng pake juba warna ungu. Turus Pilatus bilang pa dorang, “Coba lia Orang itu.”

Yakobus 2:2

Ambe conto, ada orang kaya maso pa ngoni pe tampa ibada. Dia pake cincin mas deng baju bagus yang mahal. Di situ me ada orang miskin maso. Orang miskin itu pake baju tara bae.

Yakobus 2:3

Pa orang yang pake baju bagus itu ngoni sambut deng hormati pa dia, turus bilang pa dia bagini, “Mari bapa, dudu di tampa yang bagus ini.” Tapi pa orang miskin itu ngoni bilang bagini, “Badiri di situ suda!” atau “Dudu di lante suda, dekat kita pe kaki!”