Lukas 22:7 - Perjanjian Baru Bahasa Melayu Maluku Utara

⁷ So sampe dia pe waktu, orang agama Yahudi mo biking dorang pe hari raya Roti Tara Pake Ragi. Hari itu, orang Yahudi musti potong domba Paska untuk inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir.

Lukas 22:7 Iomraidhean Croise

Lukas 22:1

Waktu itu, orang Yahudi pe Hari Raya Roti Tara Pake Ragi so dekat. Hari raya itu dong sebut Paska, hari yang dorang inga waktu Tuhan Allah kase bebas pa dorang pe orang tua dulu-dulu dari bangsa Mesir yang jaja pa dorang.

Lukas 22:6

Yudas me setuju. Kong mulai waktu itu, dia cari-cari kesempatan yang pas la bisa serakan Yesus pa dorang, jang ada orang yang tau.

1 Korintus 5:7

Buang suda samua ngoni pe kalakuang yang jahat itu, la ngoni jadi jemaat yang pe hati bersi. Itu bole kase sama deng waktu torang orang Yahudi biking hari raya Roti Tara Pake Ragi, torang buang samua ragi dari torang pe ruma, kong tong biking adonan yang baru yang tara pake ragi. Ngoni memang so bersi karna ngoni so percaya pa Yesus Kristus yang mati untuk tebus torang pe dosa-dosa. Dia itu bole kase sama deng domba yang torang potong untuk biking jadi korban persembahan di torang pe hari raya.