Lukas 21:8 - Perjanjian Baru Bahasa Melayu Maluku Utara

⁸ Yesus bilang pa dorang, “Ngoni ati-ati e, jang sampe ngoni dapa tipu. Barang, banya orang akan datang pake Kita pe nama, deng dorang bilang bagini, ‘Kita ini Dia suda, Raja yang Tuhan Allah janji mo kase slamat pa manusia!’ Dorang me akan bilang, hari kiamat so dekat. Tapi jang ngoni iko pa dorang itu.

Lukas 21:8 Iomraidhean Croise

Matius 24:11

Nanti ada banya orang yang datang, bilang kata, dorang itu nabi yang kase turus Tuhan Allah pe pasáng. Padahal dorang cuma tipu la banya orang so tara percaya lagi.

Matius 3:2

“Bertobat suda kong iko pa Tuhan Allah, karna so tara lama lagi Tuhan Allah mo Berkuasa sebagai Raja pa orang-orang yang percaya pa Dia.”

Matius 4:17

Waktu di Kapernaum, Yesus mulai kase tau Tuhan Allah pe pasáng pa orang-orang, “Bertobat suda kong iko pa Tuhan Allah, karna so tara lama lagi Tuhan Allah mo Berkuasa sebagai Raja pa orang-orang yang percaya pa Dia!”

Lukas 17:23

Deng orang akan bilang pa ngoni, ‘Coba lia, Dia ada di sana,’ atau ‘Dia ada di sini!’ Tapi jang ngoni pigi di situ, jang iko pa dorang itu.

Lukas 21:7

Kong Yesus pe murit-murit tanya pa Dia, “Guru, yang Guru bilang tadi itu, tempo apa mo jadi? Deng dia pe tanda apa kalu samua itu so mo jadi?”

Lukas 21:9

Kong kalu ngoni dengar kabar ada orang baku prang, deng orang marontak pa pemerinta, jang ngoni tako. Samua itu memang musti mo jadi kamuka, tapi itu bukang berarti dunia so mo langsung kiamat.”

Yohanes 5:43

Kita datang di dunia ini, karna Kita pe Bapa yang utus pa Kita, tapi ngoni tara tarima pa Kita. Padahal kalu orang laeng datang pa ngoni kong dong utus dong pe diri sandiri, ngoni akan tarima pa dia.

Yohanes 8:24

Jadi tadi Kita bilang pa ngoni, ngoni akan mati karna ngoni pe dosa-dosa tara dapa ampun. Barang, ngoni tara percaya ‘Kita ini’ Dia suda, sama deng yang Kita so perna bilang pa ngoni.”

Yohanes 8:28

Jadi, Yesus bilang pa dorang, “Nanti waktu ngoni so angka pa Anak Manusia yang dari sorga untuk dapa salib, baru ngoni sadar, Dia itu Kita ini suda yang Tuhan Allah janji. Kong ngoni lagi mo tau, Kita tara biking apa-apa iko Kita pe mau sandiri, tapi samua yang Kita bilang, itu dari Bapa sama deng yang Bapa ajar pa Kita.

1 Korintus 6:9

Ngoni pasti tau, orang-orang yang biking tara butul, dorang tara mungkin jadi Tuhan Allah pe umat yang Dia Berkuasa sebagai Raja pa dorang pe hidup. Jang dengar orang yang bilang kata, Tuhan Allah pe umat bole biking barang tara bae, conto sama deng bagini: orang yang baseks sabarang, orang yang semba pa dia pe puji-puji, orang yang baku suka deng orang yang bukang dia pe laki atau bini, laki-laki yang baseks deng laki-laki,

Efesus 5:6

Jang ngoni dapa kase bodo dari orang-orang yang bilang kata, hal-hal itu bukang dosa. Barang, Tuhan Allah pasti mo hukum pa orang-orang yang biking hal-hal itu, karna dorang tara dengar-dengaran pa Tuhan Allah.

2 Tesalonika 2:3

Jang kase biar sampe orang kase foya pa ngoni deng cara apa saja! Barang, sebelum Tuhan Yesus datang ulang, ini yang musti mo jadi kamuka: banya skali orang akan malawang pa Tuhan, deng orang yang paling jahat akan datang. Orang yang paling jahat itu yang nanti waktu kiamat, mo tapisa deng Tuhan Allah slama-lamanya.

2 Timotius 3:13

Tapi orang yang jahat deng yang tukang tipu, dorang itu lebe hari lebe tamba jahat. Dorang tipu pa orang-orang kong orang laeng me tipu pa dorang.

1 Yohanes 4:1

Sudara-sudara yang kita sayang, jang ngoni percaya pa samua orang yang bilang, pa dorang ada Tuhan Allah pe Roh. Lebe bae ngoni lia dulu bae-bae kalu dorang butul dari Tuhan ka bukang, karna banya orang yang datang skarang bilang kata, dong kase turus Tuhan Allah pe pasáng, padahal bafoya. Dorang cuma nabi palsu.

2 Yohanes 1:7

Kita tulis surat ini pa ngoni karna ada banya orang skarang pigi bakuliling di seluru dunia untuk kase sesat orang. Dorang itu tara percaya, Yesus Kristus itu datang di dunia sebagai manusia. Dorang itu pangbafoya deng dong musu pa Yesus Kristus.

Wahyu 1:3

Orang yang baca apa yang so tatulis ini, dia itu paling sanang skali. Bagitu lagi deng orang-orang yang dengar kong biking apa yang tatulis ini. Dorang itu paling sanang skali, karna samua ini so tara lama mo jadi.

Wahyu 12:9

Naga basar itu, setang-setang pe raja yang dong jaga bilang ‘Iblis’. Naga itu yang dari dulu salalu kase sesat orang-orang di seluru dunia ini. Dia deng malaekat-malaekat yang iko pa dia, samua dapa buang dari sorga di bumi.