Lukas 21:7 - Perjanjian Baru Bahasa Melayu Maluku Utara

⁷ Kong Yesus pe murit-murit tanya pa Dia, “Guru, yang Guru bilang tadi itu, tempo apa mo jadi? Deng dia pe tanda apa kalu samua itu so mo jadi?”

Lukas 21:7 Iomraidhean Croise

Matius 24:3

Abis itu, Yesus pigi di Bukit Zaitun, kong dudu di situ. Dia pe murit-murit badekat pa Dia la cuma dorang deng Dia saja yang bacarita. Dorang bilang, “Guru, kase tau pa torang ka, tempo apa yang Guru bilang tadi itu mo jadi? Turus, dia pe tanda-tanda apa kalu Guru mo datang ulang, deng tanda-tanda hari kiamat itu bagimana e?”

Markus 13:14

Yesus bilang, “Nanti ada satu orang yang paling malawang pa Tuhan Allah mo datang. Orang itu mo badiri di dalam Ruma Ibada Pusat, di tampa yang paling tara pantas untuk dia. (Sapa yang baca ini, perhatikan bae-bae la bole mangarti dia pe arti). Kalu orang yang paling malawang itu so badiri di situ, orang-orang yang ada di daera Yudea itu lebe bae lari basambunyi suda di gunung-gunung.

Lukas 21:32

Inga bae-bae yang Kita bilang ini, orang-orang yang hidup skarang ini ada yang masi hidup sampe samua itu jadi.

Lukas 21:6

“Yang ngoni lia di Ruma Ibada Pusat itu, nanti ada dia pe waktu, samua itu akan dapa kase ancor sampe rata, kong tara ada satu batu yang mo tasusun pa dia pe tampa lagi.”

Lukas 21:8

Yesus bilang pa dorang, “Ngoni ati-ati e, jang sampe ngoni dapa tipu. Barang, banya orang akan datang pake Kita pe nama, deng dorang bilang bagini, ‘Kita ini Dia suda, Raja yang Tuhan Allah janji mo kase slamat pa manusia!’ Dorang me akan bilang, hari kiamat so dekat. Tapi jang ngoni iko pa dorang itu.