Lukas 21:20 - Perjanjian Baru Bahasa Melayu Maluku Utara

²⁰ Yesus bilang lagi pa dorang, “Nanti kalu ngoni lia tentara-tentara so kuliling kota Yerusalem, ngoni akan dapa tau, kota itu so tara lama lagi mo dapa kase ancor.

Lukas 21:20 Iomraidhean Croise

Matius 24:15

Yesus bilang lagi, “Nanti ada satu orang yang paling malawang pa Tuhan Allah mo datang. Orang itu mo badiri di tampa yang kudus di dalam Ruma Ibada Pusat, sama deng yang Tuhan Allah so perna bilang pa nabi Daniel dulu. (Sapa yang baca ini, perhatikan bae-bae la bole mangarti dia pe arti!)

Markus 13:14

Yesus bilang, “Nanti ada satu orang yang paling malawang pa Tuhan Allah mo datang. Orang itu mo badiri di dalam Ruma Ibada Pusat, di tampa yang paling tara pantas untuk dia. (Sapa yang baca ini, perhatikan bae-bae la bole mangarti dia pe arti). Kalu orang yang paling malawang itu so badiri di situ, orang-orang yang ada di daera Yudea itu lebe bae lari basambunyi suda di gunung-gunung.

Lukas 19:43

Karna nanti akan ada dia pe waktu, ngoni pe musu datang, dong mo biking benteng kase kuliling ngoni pe kota. Kong dorang akan kepung pa ngoni deng biking sampe ngoni me so tara bole kaluar dari situ.

Lukas 21:7

Kong Yesus pe murit-murit tanya pa Dia, “Guru, yang Guru bilang tadi itu, tempo apa mo jadi? Deng dia pe tanda apa kalu samua itu so mo jadi?”

Ibrani 11:30

Kong karna orang Israel dulu-dulu itu percaya pa Tuhan Allah, abis dorang bajalang kase kuliling kota Yerikho selama tuju hari, kota itu pe pagar-pagar tembok yang kase kuliling kota itu rubu samua.

Ibrani 12:1

Sudara-sudara, biar orang-orang percaya dulu-dulu yang kita so bilang tadi itu so mati, dorang pe percaya waktu dong hidup di dunia itu jadi conto la torang iko, sama deng dorang masi hidup kong ada kuliling pa torang. Jadi, mari suda torang berusaha untuk buang samua beban deng lapas suda dosa-dosa yang masi malakat pa tong pe diri, supaya torang tara ada alangan apa-apa, la torang bole percaya butul-butul pa Tuhan Allah. Mari torang berusaha iko pa Dia sama deng torang ada iko lomba lari, torang tara berenti tapi lari turus sampe di garis finis.