Lukas 21:19 - Perjanjian Baru Bahasa Melayu Maluku Utara

¹⁹ Kalu ngoni tetap batahang percaya pa Kita, ngoni dapa hidup deng Tuhan Allah slama-lamanya.”

Lukas 21:19 Iomraidhean Croise

Matius 10:22

Kong samua orang akan binci pa ngoni karna ngoni iko pa Kita. Tapi orang yang tetap percaya pa Kita sampe dia pe ahir hidup, dia itu yang Tuhan Allah mo kase slamat.

Matius 24:13

Tapi orang yang tetap percaya pa Kita sampe dia pe ahir hidup, Tuhan Allah mo kase slamat pa dia.

Lukas 8:15

Kong bibit yang jatu di tana yang subur, itu sama deng orang-orang yang so dengar firman, dorang simpang firman itu di dong pe hati yang bae, kong dorang biking firman itu turus-turus di dong pe hidup hari-hari.”

Roma 15:4

Samua yang tatulis dari dulu di Kitab Suci, ada tulis untuk kase ajar pa torang, supaya torang bole tetap percaya biar dapa siksa, deng supaya kase smangat pa torang untuk percaya deng yakin pa Tuhan Allah.

Roma 2:7

Ada orang yang biking barang yang bae turus, karna dorang suka dapa puji deng hormat dari Tuhan Allah, deng dorang suka hidup deng Tuhan Allah slama-lamanya. Jadi pa dorang itu, Tuhan Allah mo kase hidup deng Dia slama-lamanya.

Roma 5:3

Kong bukang cuma itu saja, torang me sanang lagi waktu torang dapa siksa, karna torang tau, siksa itu biking torang jadi batahang percaya.

Roma 5:4

Turus deng torang pe batahang percaya itu, biking torang jadi lebe kuat sampe torang tara tagoda biking dosa. Kong kalu torang so bagitu, itu biking torang lebe baharap deng yakin pa Tuhan Allah.

Roma 8:25

Jadi, kalu torang bolong dapa apa yang torang harap, torang musti tunggu deng sabar.

1 Tesalonika 1:3

Tiap kali torang berdoa pa Tuhan Allah torang pe Bapa, torang inga pa ngoni jemaat di kota Tesalonika. Torang inga samua yang ngoni biking karna ngoni pe percaya. Torang inga ngoni pe bae pa orang-orang karna ngoni sayang pa dorang. Torang inga lagi bagimana ngoni tetap biking barang yang bae biar ngoni dapa susa, karna ngoni salalu batahang percaya deng yakin pa Yesus Kristus, torang pe Tuhan.

2 Tesalonika 3:5

Torang minta pa Tuhan supaya Dia bantu pa ngoni untuk lebe mangarti Tuhan Allah pe sayang, deng supaya ngoni bole tahang siksa sama deng dulu waktu Yesus Kristus tahang siksa.

Ibrani 10:36

Karna itu, ngoni musti batahang percaya biar dapa siksa, supaya kalu ngoni so biking apa yang Tuhan Allah mau, ngoni mo tarima apa yang Dia so janji itu.

Ibrani 6:11

Torang mau, ngoni samua tetap smangat biking yang bae itu turus-turus sampe hari kiamat, supaya jelas ngoni akan dapa apa yang ngoni harap dari Tuhan Allah di sorga.

Ibrani 6:15

Abraham batunggu-tunggu janji itu deng sabar, kong deng bagitu, dia tarima apa yang Tuhan Allah janji itu.

Yakobus 1:3

Karna ngoni sandiri tau, kalu torang dapa cobaan tapi tetap percaya pa Tuhan, itu biking torang pe percaya jadi lebe kuat.

Yakobus 1:4

Jang ngoni berenti percaya, tetap batahang bagitu. Kalu ngoni biking bagitu turus, ngoni pe percaya mo tamba kuat, deng ngoni pe percaya jadi sempurna deng tara kurang apa-apa.

2 Petrus 1:6

Turus kalu ngoni so tau apa yang Dia suka, ngoni lagi musti kuasai ngoni pe diri. Turus kalu ngoni so kuasai ngoni pe diri, ngoni me musti tetap percaya pa Dia biar dapa siksa. Kong biar lagi ngoni dapa siksa, ngoni me musti hidup iko Tuhan Allah pe mau,

Wahyu 1:9

Kita Yohanes, ngoni pe sudara yang sama-sama dapa siksa karna percaya pa Yesus. Torang sama-sama percaya pa Yesus yang Berkuasa sebagai Raja pa torang pe hidup, deng biar dapa siksa, torang tahang mangada siksa itu. Kong kita ini dapa buang di pulo yang pe nama Patmos, karna kita kase tau Tuhan Allah pe firman deng kase tau Yesus pe pasáng pa orang-orang.

Wahyu 13:10

orang yang Tuhan Allah so tentukan untuk dapa tangka, dia pasti mo dapa tangka. Orang yang Tuhan Allah so tentukan untuk dapa bunu deng parang, dia pasti mo dapa bunu deng parang. Jadi yang penting di sini, orang-orang yang so jadi Tuhan Allah pe umat musti tetap percaya pa Tuhan deng batahang biar dapa siksa.

Wahyu 14:12

Jadi yang penting di sini, orang-orang yang so jadi Tuhan Allah pe umat, musti batahang percaya pa Dia biar dapa siksa. Dorang itu yang iko Tuhan Allah pe parenta, deng tetap percaya pa Yesus.

Wahyu 3:10

Ngoni tetap batahang percaya pa Kita biar ngoni dapa siksa, kong deng bagitu ngoni so biking Kita pe parenta. Karna itu, nanti Kita mo jaga pa ngoni supaya ngoni tara dapa siksa yang hebat yang nanti mo jadi untuk samua orang di dunia ini. Siksa itu untuk uji samua orang di dunia ini la dapa tau sapa orang-orang yang butul-butul percaya pa Tuhan Allah.