Lukas 21:12 - Perjanjian Baru Bahasa Melayu Maluku Utara

¹² Tapi kalu samua itu bolong jadi, ngoni akan dapa tangka deng dapa siksa karna ngoni percaya pa Kita. Dorang akan serakan pa ngoni di ruma-ruma ibada agama Yahudi, kong mo adili pa ngoni baru kase maso pa ngoni di penjara. Deng ngoni akan dapa kase mangada pa raja-raja deng pa gubernur-gubernur. Samua itu mo jadi pa ngoni, karna ngoni ada iko pa Kita.

Lukas 21:12 Iomraidhean Croise

Matius 22:6

Mala yang laeng tangka pa orang-orang karja itu kong siksa, turus bunu pa dorang.

Matius 24:8

Tapi samua itu baru dia pe awal penderitaan sebelum hari kiamat, itu sama deng penderitaan yang parampuang rasa waktu mo melahirkan.

Lukas 21:11

Kong nanti ada lagi tana goyang kuat skali, deng akan ada panyake yang tajangke pa orang-orang di mana-mana, deng akan ada lagi kelaparan. Kong akan mo jadi hal-hal yang biking tako deng tanda-tanda yang hebat dari langit.

Yohanes 15:20

Ngoni musti inga apa yang Kita so bilang pa ngoni, ‘orang karja tara lebe penting dari dia pe tuang’. Kalu orang-orang so siksa pa Kita di dunia ini, dorang lagi pasti akan siksa pa ngoni. Tapi kalu orang-orang biking Kita pe ajaran, dorang lagi mo biking ajaran yang ngoni ada kase ajar.

Yohanes 15:21

Dorang mo siksa pa ngoni karna ngoni ada iko pa Kita, deng karna dorang tara kanal butul pa Tuhan Allah yang so utus pa Kita.

Kisah Para Rasul 22:30

Dia pe beso, komandan batalion itu mo cari tau pasti, bikiapa sampe orang-orang Yahudi tudu pa Paulus. Jadi dia suru ambe pa Paulus di penjara, turus dia parenta pa imam-imam kapala deng samua pemimpin yang laeng bakumpul. Dorang yang dapa suru bakumpul itu dari kumpulan agama Yahudi yang paling tinggi yang pe nama Mahkama Agama. Komandan batalion itu suru bawa pa Paulus dari markas kong kase mangada pa Mahkama Agama itu.

Kisah Para Rasul 5:40

Turus, dorang pangge pa rasul-rasul itu kong dong cuma suru pukul pa dorang deng tali. Dorang me larang pa rasul-rasul itu, supaya jang kase ajar tentang Yesus pa orang-orang. Abis itu, dorang kase bebas pa rasul-rasul itu.

Kisah Para Rasul 8:3

Tapi biar bagitu me, Saulus masi tetap berusaha mo bunu kase abis pa orang-orang yang percaya pa Tuhan Yesus itu. Dia cari di ruma-ruma kong hela kase kaluar pa dorang, bae itu laki-laki atau parampuang, turus dia kase maso pa dorang di penjara.

Kisah Para Rasul 9:4

Saulus langsung jatu di tana, kong dia dengar suara yang bilang pa dia bagini, “Saulus, Saulus, bikiapa kong ngana siksa pa Kita?”

1 Petrus 2:13

Ngoni so iko pa Tuhan, jadi ngoni musti dengar-dengaran pa samua orang yang berkuasa di dunia ini. Ngoni musti dengar-dengaran pa raja basar Roma yang pe kuasa paling tinggi,

Wahyu 2:10

Ngoni tara usa tako kalu nanti ngoni masi dapa siksa. Dengar bae-bae, nanti babarapa orang dari ngoni, Iblis mo coba, ngoni butul-butul percaya pa Kita ka tarada. Cobaan itu macam bagini, ngoni mo dapa maso di penjara kong dapa siksa di situ selama spulu hari. Tapi biar ngoni dapa siksa sampe mo mati me, ngoni musti tetap percaya pa Kita. Kalu ngoni tetap batahang percaya, Kita mo kase pa ngoni hidup deng Tuhan Allah slama-lamanya, itu sama deng ngoni dapa makota, tanda ngoni so menang.