Lukas 20:9 - Perjanjian Baru Bahasa Melayu Maluku Utara

⁹ Yesus kase carita umpama satu pa orang banya itu bagini, “Ada satu orang babiking kobong anggur. Turus, dia baku ator deng orang yang mo bakarja di kobong itu la urus dia pe kobong. Abis itu, dia sandiri pigi di daera laeng kong tinggal lama di sana.

Lukas 20:9 Iomraidhean Croise

Matius 25:14

Yesus bilang lagi, “Kalu Anak Manusia yang dari sorga datang ulang kong Berkuasa sebagai Raja, itu pe keadaan bole kase sama deng umpama ini: ada satu orang yang mo pigi di tampa yang jao. Waktu dia so mo pigi, dia pangge dia pe orang karja samua bakumpul, kong dia kase percaya dia pe harta pa dorang la kase putar dia pe doi supaya dapa untung.

Lukas 19:12

Yesus bilang, “Ada raja pe turunan satu, dia pigi di daera satu yang jao skali karna dia mo dapa lantik jadi raja. Kalu dia so dapa lantik, baru dia mo bale ulang pa dia pe daera.

Lukas 20:10

Waktu so musim bapete anggur, dia suru dia pe orang karja satu pigi pa orang-orang yang jaga kobong itu, supaya dorang kase dia pe bagian dari kobong pe hasil. Tapi dorang cuma pukul pa dia, kong suru dia pulang tara bawa apa-apa.

Lukas 20:8

Kong Yesus bilang pa dorang, “Kalu bagitu, Kita me tara kase tau pa ngoni, sapa yang kase hak pa Kita biking samua itu.”