Lukas 20:23 - Perjanjian Baru Bahasa Melayu Maluku Utara

²³ Tapi Yesus dapa tau dong pe akal, jadi Dia bilang pa dorang bagini,

Lukas 20:23 Iomraidhean Croise

Matius 16:1

Ada orang-orang Yahudi dari aliran Farisi deng dari aliran Saduki datang pa Yesus. Dorang datang mo cari-cari Yesus pe sala. Dorang minta supaya Yesus kase tunju mujizat satu, la kata, dorang tau Yesus itu dari Tuhan Allah.

Matius 22:18

Tapi Yesus tau dorang pe rencana jahat itu. Jadi Dia bilang pa dorang bagini, “Woe orang-orang munafik, bikiapa kong ngoni mo cari-cari Kita pe sala?

Lukas 20:20

Guru-guru agama Yahudi yang ahli lima kitab Musa, deng imam-imam kapala, dorang cari cara la mo tangka pa Yesus, jadi dorang perhatikan pa Dia turus. Kong dorang suru babarapa orang jadi mata-mata. Dorang itu bafoya jadi orang bae, supaya dorang bisa cari Yesus pe sala. Dorang harap Dia bisa bicara sala la dorang bisa lapor di gubernur yang punya kuasa mo adili orang.

Lukas 20:22

Jadi skarang, torang mo tanya pa Guru, kalu iko torang pe aturan agama, bole ka tarada torang bayar pajak pa raja basar Roma?”

Lukas 20:24

“Coba kase tunju pa Kita doi yang ngoni jaga pake babayar pajak. Sapa pe gambar deng sapa pe nama di situ?” Dorang jawab, “Raja basar Roma pe nama deng pe gambar!”

Lukas 5:22

Tapi Yesus tau dorang pe pikiran. Kong Dia bilang bagini, “Bikiapa kong ngoni bapikir bagitu?

Lukas 6:8

Tapi Yesus tau skali dorang pe pikiran. Kong Yesus bilang pa orang yang pe tangan sabla mati itu, “Mari ngana badiri di muka sini!” Turus, orang itu ka sana badiri di muka.

Kisah Para Rasul 13:10

kong bilang, “Woe Iblis pe ana! Ngana memang tukang foya deng jahat. Ngana tukang malawang samua yang butul. Tuhan Allah pe rencana mo kase slamat pa manusia, tapi ngana salalu berusaha kase putar rencana itu.

1 Korintus 10:9

Torang tara bole coba Tuhan pe sabar, sama deng babarapa orang dari dorang jaga biking bagitu. Karna itu, dorang dapa gigi dari ular bisa, kong mati.

1 Korintus 3:19

Karna apa yang manusia anggap pande, itu bodo pa Tuhan Allah pe muka. Itu so tatulis di Kitab Suci bagini, “Tuhan Allah biking sampe orang yang anggap diri pande itu pe rencana tara jadi, kong dong pe rencana itu tabale pa dong pe diri sandiri.”

Efesus 4:14

Kalu torang pe percaya so kuat bagitu, torang so tara gampang dapa tipu sama deng ana kacil. Jadi kalu ada orang yang datang kase ajar ajaran macam-macam yang tara butul untuk pengaru pa torang, torang tara akan gampang taiko pa dorang. Torang tara akan sama deng omba yang kasana-kamari iko angin batiop.

Ibrani 4:13

Di langit deng di bumi me tarada satu yang tasambunyi dari Tuhan Allah. Barang, Dia bisa lia samua-samua, sampe torang pe pikiran deng hati me Dia tau. Kong nanti torang musti tanggung jawab pa Tuhan Allah samua-samua yang torang so biking.