Lukas 20:17 - Perjanjian Baru Bahasa Melayu Maluku Utara

¹⁷ Tapi Yesus haga pa dorang kong bilang, “Biar ngoni bilang jangan, tapi bagimana deng arti yang so tatulis di Kitab Suci ini? ‘Batu yang tukang-tukang bangunan so tara pake, itu so jadi batu fandasi yang paling penting.’

Lukas 20:17 Iomraidhean Croise

Matius 21:42

Kong Yesus bilang pa dorang, “Ngoni pasti so perna baca di Kitab Suci tentang itu, to? Bagini, ‘Batu yang tukang-tukang bangunan so tara pake, Tuhan Allah so biking jadi batu fandasi yang paling penting. Tuhan Allah biking bagitu, sampe torang lia itu bagus skali.’ ”

Markus 10:23

Turus Yesus balia pa Dia pe murit-murit di kiri-kanan kong bilang bagini, “Pe susa skali orang kaya mo kase dia pe diri la Tuhan Allah Berkuasa sebagai Raja pa dia pe hidup.”

Markus 12:10

Ngoni pasti so baca di Kitab Suci tentang batu yang ada kase sama deng Kita pe diri, tapi ngoni tara mangarti itu. Bagini yang so tatulis, ‘Batu yang tukang-tukang bangunan so tara pake, Tuhan Allah so biking jadi batu fandasi yang paling penting.

Markus 3:5

Yesus pe hati susa karna dorang pe hati karas. Dia haga pa dorang samua deng rasa mara, kong Dia bilang pa orang yang dia pe tangan sabla mati itu, “Kase kamari ngana pe tangan.” Turus orang itu kase dia pe tangan kong dia pe tangan jadi sembu.

Lukas 19:41

Waktu Yesus so dekat deng kota Yerusalem, Dia lia kota itu kong Dia manangis.

Lukas 22:37

Kita bilang pa ngoni, apa yang Tuhan Allah janji di Kitab Suci tentang Kita, memang mo jadi. Ini yang tatulis di Kitab Suci, ‘Orang anggap, Dia itu orang jahat.’ Karna apa yang ada tatulis tentang Kita, skarang samua itu mo jadi.”

Lukas 22:61

Kong, Tuhan Yesus haga pa Petrus. Turus Petrus dapa inga yang Tuhan Yesus perna bilang pa dia, malam itu sebelum ayam bakuku, dia so manyangkal tiga kali, bilang dia tara kanal pa Yesus.

Lukas 24:44

Kong Dia bilang pa dorang, “Kita bilang ini pa ngoni waktu Kita masi sama-sama deng ngoni: samua yang tatulis tentang Kita di lima kitab Musa, nabi-nabi laeng pe kitab, deng kitab Mazmur, samua itu musti mo jadi.”

Yohanes 15:25

Tapi biar suda dorang binci pa Kita, supaya apa yang so tatulis di Kitab Suci, memang mo jadi. Bagini yang tatulis, ‘Dorang binci pa Kita tapi tara ada dia pe alasan.’

Kisah Para Rasul 4:11

Di Kitab Suci so tatulis, Yesus itu, ‘Batu yang tukang-tukang bangunan so tara pake, batu itu so jadi batu fandasi yang paling penting.’

Efesus 2:20

Skarang torang yang so jadi Tuhan Allah pe keluarga bole kase sama deng ruma yang Tuhan Allah ada kase badiri. Kong kalu orang kase badiri satu ruma, musti taru kamuka batu yang paling penting di fandasi itu untuk kase kuat ruma itu. Kristus Yesus itu bole kase sama deng batu yang paling penting di fandasi itu. Kong ada Yesus Kristus pe utusan yang orang sebut rasul-rasul, deng ada lagi nabi-nabi yang jaga kase turus Tuhan Allah pe pasáng, dorang itu bole kase sama deng ruma pe tiang-tiang.

1 Petrus 2:6

Karna di Kitab Suci ada tatulis bagini, “Perhatikan bae-bae, Kita so pili batu satu yang berharga. Batu itu Kita so taru jadi batu fandasi yang paling penting di Yerusalem, kota yang orang sebut Sion. Kong sapa yang percaya pa Dia, tara akan kecewa.”