Lukas 20:16 - Perjanjian Baru Bahasa Melayu Maluku Utara

¹⁶ Pasti dia mo datang kong bunu pa dorang. Abis itu, dia kase pa orang-orang laeng untuk jaga dia pe kobong itu.” Pe dengar Yesus bilang bagitu, dorang mangarti Dia pe maksut kong dorang itu bilang, “Jangan! Jang sampe jadi bagitu!”

Lukas 20:16 Iomraidhean Croise

Matius 21:34

Waktu so dekat musim bapete anggur, dia suru dia pe orang-orang karja pigi pa orang-orang yang urus kobong itu untuk minta dia pe bagian.

Matius 21:41

Dorang jawab pa Yesus, “Pasti dia mo bunu pa dorang yang jahat itu. Kong, dia mo baku ator deng orang-orang laeng la urus dia pe kobong anggur deng yang mau kase dia pe bagian waktu musim bapete.”

Matius 22:7

Pe dengar bagitu, raja nae dara. Turus, dia suru dia pe tentara-tentara ka sana la bunu pa orang-orang yang so bunu dia pe orang-orang karja itu, deng dia suru lagi bakar orang-orang itu pe kota.

Markus 12:9

Pe abis carita umpama itu, Yesus bilang pa dorang, “Skarang, tuang kobong itu mo biking apa pa dorang? Pasti Dia mo datang bunu pa orang-orang yang jaga kobong itu, kong kobong itu dia kase pa orang laeng untuk jaga.

Lukas 19:27

Tapi skarang, samua kita pe musu yang tara suka kita dapa lantik jadi dorang pe raja, tangka pa dorang kong bawa kamari, turus bunu suda pa dorang di kita pe muka-muka!’ ”

Lukas 20:15

Turus dorang hela kase kaluar pa dia dari kobong itu kong bunu pa dia.” Pe abis carita umpama itu, Yesus tanya pa dorang, “Skarang, tuang kobong itu mo biking apa pa dorang?

Kisah Para Rasul 13:46

Tapi Paulus deng Barnabas barani skali mangada pa orang-orang itu kong bilang, “Memang Tuhan Allah yang suru la torang kase tau kamuka Tuhan Allah pe firman pa orang-orang Yahudi. Tapi ngoni tara mau percaya, jadi deng bagitu, ngoni so nilai ngoni pe diri tara pantas mo dapa hidup deng Tuhan Allah slama-lamanya. Jadi, skarang torang mo pigi pa orang-orang yang bukang Yahudi supaya mo kase tau Tuhan Allah pe firman itu.

Roma 11:1

Dari dulu Tuhan Allah so pili pa orang Israel jadi Dia pe umat, tapi banya yang so tara dengar-dengaran pa Dia. Kalu bagitu, apa Tuhan Allah mo buang pa dorang? Tarada! Karna kita sandiri me orang Israel, Abraham pe turunan dari suku Benyamin.

Roma 11:11

Jadi bagimana deng orang Yahudi yang tara percaya pa Yesus Kristus? Apa Tuhan Allah mo buang pa dorang? Tarada! Karna biar skarang dorang tara percaya pa Yesus Kristus, tapi kalu dong beruba kong percaya pa Dia, dorang masi bole dapa slamat. Tapi karna dong pe tara percaya, itu yang biking sampe suku-suku bangsa laeng dapa kesempatan supaya percaya la dong dapa slamat. Deng bagitu, waktu orang Yahudi lia pa suku-suku bangsa laeng yang percaya kong dapa slamat, dorang jadi cemburu kong mau percaya.

Roma 3:31

Tapi ada kaapa orang yang pikir, “Jadi kalu Tuhan Allah biking torang jadi orang yang tara sala karna torang percaya pa Yesus, itu pe arti, torang tara perlu mo biking lagi aturan di lima kitab Musa.” Sama skali bukang bagitu. Mala karna torang percaya, torang lebe tamba biking aturan di lima kitab Musa itu.

Roma 3:4

Yang pasti tara bagitu! Biar samua orang tukang bafoya, Tuhan Allah tetap setia deng Dia pe janji. Tuhan Allah itu salalu butul sama deng yang ada tatulis di Kitab Suci, “Samua yang Tuhan Allah bilang itu butul, kong kalu ada yang mo kase sala pa Dia, Tuhan Allah pasti menang.”

Roma 3:6

Dorang pe pikiran itu sala! Karna kalu Tuhan Allah tara butul, Dia tara bisa adili dunia ini di hari kiamat.

Roma 6:15

Tuhan Allah kase slamat pa torang dari dosa-dosa, bukang karna torang iko aturan di lima kitab Musa, tapi karna Dia pe bae pa torang. Deng bagitu, apa skarang torang bole biking dosa turus-turus? Yang pasti tarada!

Roma 6:2

Pasti tara bagitu to? Karna waktu torang percaya pa Yesus Kristus, torang deng dosa itu so tarada hubungan lagi, torang so sama deng orang yang so mati kong so tara biking dosa. Jadi torang so tara bole turus-turus biking dosa lagi.

Roma 7:13

Tapi jang sampe ada orang pikir, aturan yang bagus itu biking torang tapisa deng Tuhan Allah slama-lamanya. Pasti tara bagitu. Dosa yang kita jaga biking itu yang biking kita dapa hukum kong tapisa deng Tuhan Allah slama-lamanya. Sebenarnya, aturan itu bagus, tapi waktu kita tau aturan itu, kita pe hati lebe tamba ingin biking dosa, sampe kita lebe tamba biking dosa turus. Jadi deng ada aturan yang bagus itu, kita bole tau mana itu dosa, kong kita bole tau lebe jelas, dosa itu jahat.

Roma 7:7

Kong, kalu gara-gara aturan di lima kitab Musa itu torang lebe tamba biking dosa, apa torang mo bilang aturan itu sala? Pasti tarada, to? Aturan di lima kitab Musa itu tara sala, mala karna aturan itu ada, kita sandiri baru tau apa itu dosa. Dia pe conto bagini: di lima kitab Musa ada aturan yang tatulis, “Tara bole ingin orang laeng pe barang.” Kita tara tau kalu ingin orang laeng pe barang itu dosa, kong kita baru tau itu dosa, karna aturan itu.

Roma 9:14

Deng bagitu, torang tau Tuhan Allah pili pa satu orang, kong yang laeng Dia tara pili. Tapi bukang berarti, Tuhan Allah itu tara adil, to?

1 Korintus 6:15

Ngoni tau ka tarada, waktu ngoni jadi percaya pa Yesus Kristus, ngoni so jadi satu deng Dia. Karna itu, ngoni tara bole pake ngoni pe badan untuk baseks sabarang. Kalu ngoni biking bagitu, itu sama deng ngoni pake Yesus Kristus pe badan untuk baseks sabarang. Ngoni tara bole bagitu!

Galatia 2:17

Torang ini orang Yahudi, kong torang so percaya pa Yesus Kristus karna torang suka Tuhan Allah biking pa torang jadi orang yang tara sala pa Dia pe muka. Tapi jang sampe ada orang yang mo bilang bagini, “Ngoni ini cuma percaya pa Yesus Kristus deng tara iko aturan di lima kitab Musa lagi, jadi ngoni orang yang berdosa, sama saja deng orang bukang Yahudi. Itu sama deng Yesus Kristus ada biking ngoni ini jadi orang berdosa.” Dorang bilang bagitu, itu tara butul!

Galatia 3:21

Jang sampe ngoni kira kata, aturan-aturan di lima kitab Musa itu baku lawan deng Tuhan Allah pe janji-janji pa Abraham yang so kamuka ada. Itu sama skali tara baku lawan. Kalu saja aturan-aturan itu bisa biking tong pe diri hidup deng Tuhan Allah slama-lamanya, itu berarti, torang iko aturan-aturan itu supaya torang sandiri bole berusaha biking tong pe diri jadi orang yang butul pa Tuhan Allah pe muka, tapi yang sebenarnya bukang bagitu.

Galatia 6:14

Tapi untuk kita, kita tara mau sama skali puji diri tentang apa yang kita so biking. Kita cuma mo puji torang pe Tuhan Yesus Kristus deng tentang apa yang Dia so biking di kayu salib, barang Yesus Kristus mati dapa salib untuk kase bebas pa kita dari kita pe dosa. Karna waktu Dia mati itu, itu sama deng samua kita pe keinginan so iko dapa salib sama-sama deng Dia. Jadi kita so tara tapengaru iko dunia pe mau lagi.