Lukas 20:13 - Perjanjian Baru Bahasa Melayu Maluku Utara

¹³ Kong tuang kobong itu bilang bagini, ‘Kita musti biking apa e? Lebe bae kita suru kita pe ana sandiri, yang kita sayang. Pasti dorang hormati pa dia.’

Lukas 20:13 Iomraidhean Croise

Matius 17:5

Waktu Petrus masi bicara, kage-kage awan yang tarang turung tutu pa dorang. Kong dorang dengar dari dalam awan itu ada suara yang bilang bagini, “Ini Kita pe Anak yang Kita sayang. Dia biking Kita pe hati sanang. Dengar suda pa Dia!”

Matius 3:17

Kong dapa dengar Tuhan Allah pe suara dari sorga bagini, “Ini Kita pe Anak, Kita paling sayang pa Dia. Dia yang biking Kita pe hati sanang.”

Lukas 18:2

Yesus bilang bagini, “Di kota satu, ada hakim satu, yang tara tako pa Tuhan Allah, deng dia tara hormati pa sapa-sapa.

Lukas 18:4

Hakim itu salalu tolak janda itu pe mau, tapi lama-lama dia bilang di dia pe dalam hati bagini, ‘Biar kita tara tako pa Tuhan Allah deng tara hormati pa sapa-sapa,

Lukas 20:12

Turus, tuang kobong itu suru dia pe orang karja yang ketiga, tapi pa dia me dorang pukul sampe luka-luka, kong kase lempar kaluar dari kobong itu.

Lukas 20:14

Tapi waktu orang-orang yang jaga kobong itu dapa lia pa tuang kobong itu pe ana, dong baku ator, deng dong bilang, ‘Dia ini suda yang nanti jadi waris untuk kobong ini. Jadi, mari torang bunu pa dia, la kobong ini mo jadi torang punya.’

Lukas 9:35

Dorang dengar suara dari dalam awan itu bagini, “Ini Kita pe Anak yang Kita so pili. Dengar suda pa Dia!”

Yohanes 1:34

Kita so lia pa Dia deng kita pe mata kapala sandiri, jadi kita kase tau pa orang-orang, Dia itu suda Anak Allah!”

Roma 8:3

Kalu torang iko aturan-aturan di lima kitab Musa, tara mungkin torang dapa slamat, karna torang ini manusia yang tara mampo biking samua aturan itu. Tapi torang bole dapa slamat karna Tuhan Allah. Tuhan Allah kase slamat pa torang deng cara Dia utus Dia pe Anak sandiri datang di dunia ini. Dia pe Anak pe badan itu, sama deng torang manusia berdosa pe badan. Kong Dia pe Anak itu mati supaya hapus torang pe dosa. Deng Dia kase Dia pe Anak mati bagitu, itu pe arti, Dia pe Anak so kase kala dosa pe kuasa.

Galatia 4:4

Tapi, bagitu waktu yang Tuhan Allah tentukan so sampe, Tuhan Allah utus Dia pe Anak datang di dunia. Anak itu yang lahir dari parampuang satu, kong Anak itu, hidup iko agama Yahudi pe aturan-aturan yang ada di lima kitab Musa.