Lukas 20:1 - Perjanjian Baru Bahasa Melayu Maluku Utara

¹ Satu kali bagini, Yesus mangajar di Ruma Ibada Pusat pe kompleks. Dia ada kase tau pa dorang Kabar Bae dari Tuhan Allah. Waktu Yesus sementara mangajar, imam-imam kapala, guru-guru agama Yahudi yang ahli lima kitab Musa, deng tua-tua Yahudi datang di situ.

Lukas 20:1 Iomraidhean Croise

Matius 26:55

Kong Yesus bilang pa orang banya yang datang mo tangka pa Dia, “Ngoni sangka Kita ini orang jahat, sampe ngoni datang bawa parang deng kayu panggal la mo tangka pa Kita? Padahal tiap hari Kita kase tau Tuhan Allah pe Kabar Bae di Ruma Ibada Pusat, tapi ngoni tara tangka pa Kita di situ.

Lukas 20:2

Dorang tanya pa Yesus, “Coba Ngana kase tau, samua yang Ngana biking itu, Ngana dapa hak dari mana? Kong sapa yang kase hak itu pa Ngana?”

Lukas 8:1

Abis itu, Yesus pigi bajalang bakuliling di kota-kota deng di kampong-kampong, Dia kase tau Kabar Bae tentang Tuhan Allah mo Berkuasa sebagai Raja pa orang-orang yang percaya pa Dia. Dia pe murit dua blas orang itu ada iko sama-sama deng Dia,

Yohanes 18:20

Turus Yesus jawab pa dia, “Kita salalu bicara turus tarang di orang banya pe muka. Kita kase ajar pa orang-orang di ruma-ruma ibada agama Yahudi deng di Ruma Ibada Pusat, tampa yang orang-orang agama Yahudi jaga bakumpul. Kita kase ajar pa orang-orang di tampa-tampa umum, bukang di tampa-tampa yang tasambunyi.

Kisah Para Rasul 4:1

Waktu Petrus deng Yohanes masi bicara pa orang banya itu, ada imam-imam, kapala penjaga Ruma Ibada Pusat, deng babarapa orang Yahudi laeng dari aliran Saduki datang pa dorang di situ.

Kisah Para Rasul 6:12

Deng cara bagitu, dorang pengaru pa orang-orang Yahudi, tua-tua Yahudi deng guru-guru agama Yahudi yang ahli lima kitab Musa, sampe dorang dapa jalang tangka pa Stefanus. Dorang hela, kong bawa pa dia kase mangada di agama Yahudi pe kumpulan yang paling tinggi yang pe nama Mahkama Agama.