Lukas 2:7 - Perjanjian Baru Bahasa Melayu Maluku Utara

⁷ Maria melahirkan dia pe ana laki-laki, ana yang tua. Abis itu dia bungkus deng kaeng pa ana itu kong kase tidor di binatang pe tampa makanang, karna samua penginapan di situ so ponong.

Lukas 2:7 Iomraidhean Croise

Matius 1:25

Tapi Yusuf tara tidor sama-sama deng Maria sampe Anak itu lahir. Bagitu Anak itu so lahir, Yusuf kase nama pa Dia, Yesus.

Matius 13:55

Padahal Dia itu cuma tukang kayu pe ana, to? Dia pe mama itu Maria, kong Dia pe sudara-sudara laki-laki pa Yakobus, Yusuf, Simon deng Yudas lagi, to?

Matius 8:20

Yesus bilang pa dia pake umpama bagini, “Anjing utang ada dia pe tampa batidor. Bagitu lagi deng burung, ada dia pe sarang. Tapi Anak Manusia yang dari sorga, tara ada tampa untuk baistrahat.”

Lukas 10:34

Dia badekat pa orang itu kong kase bersi dia pe luka-luka pake anggur deng obat pake minya. Turus, dia ika orang itu pe luka-luka. Abis itu, dia kase nae orang itu di dia pe keledai, kong bawa di tampa menginap. Di situ dia urus bae-bae pa orang itu.

Lukas 2:6

Waktu dorang di Betlehem, so dia pe waktu Maria mo melahirkan.

Lukas 2:8

Malam itu, ada orang-orang yang sementara jaga dong pe domba di lapangan rumpu di daera dekat kota Betlehem. Dorang itu yang orang jaga bilang gembala.

Yohanes 1:14

Tuhan Allah pe Firman itu so jadi manusia, kong Dia tinggal di antara torang. Torang so lia Dia pe kuasa yang hebat, kuasa yang Dia dapa dari Tuhan Allah, Dia pe Bapa, karna Dia itu Tuhan Allah pe Anak. Kong Tuhan Allah pe Anak itu cuma satu itu saja. Dia yang biking torang bole tau yang butul tentang Tuhan Allah deng tentang Tuhan Allah pe sayang pa torang.

2 Korintus 8:9

Sebenarnya kita tara perlu suru ngoni bantu pa dorang, barang ngoni so tau Yesus Kristus torang pe Tuhan pe bae yang Dia so kase pa ngoni. Biar Dia punya samua-samua yang ada, tapi karna Dia sayang pa torang, Dia kase tinggal samua itu supaya jadi manusia yang tara punya apa-apa. Dia biking bagitu la torang dapa banya yang bae dari Tuhan Allah.

Galatia 4:4

Tapi, bagitu waktu yang Tuhan Allah tentukan so sampe, Tuhan Allah utus Dia pe Anak datang di dunia. Anak itu yang lahir dari parampuang satu, kong Anak itu, hidup iko agama Yahudi pe aturan-aturan yang ada di lima kitab Musa.