Lukas 2:47 - Perjanjian Baru Bahasa Melayu Maluku Utara

⁴⁷ Samua orang yang dengar Yesus pe bicara, dorang jadi taherang-herang, barang Dia mangarti skali deng Dia bajawab butul samua.

Lukas 2:47 Iomraidhean Croise

Matius 13:54

Pe sampe di Dia pe kampong di Nazaret, Yesus mangajar di ruma ibada agama Yahudi di situ. Kong orang-orang jadi herang skali, turus bilang, “Dia tau ajaran itu dari mana? Turus sapa yang kase kuasa pa Dia la biking mujizat-mujizat itu?

Matius 22:33

Waktu orang banya yang ada di situ dengar apa yang Yesus bilang, dorang herang, barang dorang suka skali deng Dia pe ajaran itu.

Matius 7:28

Waktu Yesus pe abis bicara, orang banya itu jadi herang deng Dia pe ajaran itu,

Markus 1:22

Orang-orang di situ yang dengar Dia pe ajaran jadi herang, karna Dia mangajar pa dorang deng kuasa, tara sama deng guru-guru agama Yahudi yang ahli lima kitab Musa.

Markus 11:18

Imam-imam kapala deng guru-guru agama Yahudi yang ahli lima kitab Musa dapa dengar yang Yesus biking di Ruma Ibada Pusat itu, jadi dorang cari jalang mo bunu pa Dia. Tapi dorang tako pa Dia, barang orang banya suka dengar Dia pe ajaran.

Markus 6:2

Pas hari Sabat, Yesus mangajar di ruma ibada agama Yahudi. Waktu orang-orang di situ dengar Yesus pe ajaran, dorang herang skali, kong dong baku bilang bagini, “Ee, orang ini pe ajaran itu Dia tau dari mana? Bagimana Dia pande bagitu? Dia dapa kuasa dari mana sampe bisa biking mujizat-mujizat bagitu?

Lukas 2:18

Samua orang di situ jadi herang waktu dengar gembala-gembala itu pe carita.

Lukas 2:46

Pe hari ketiga, baru dorang dapa pa Dia di Ruma Ibada Pusat pe kompleks. Dia ada sementara dudu di guru-guru agama Yahudi pe tenga-tenga, Dia dengar deng tanya-tanya pa dorang.

Lukas 4:22

Kong samua orang di situ yang dengar apa yang Dia bilang, kase iyo deng jadi herang deng Dia pe kata-kata pe bagus. Tapi abis itu dorang bilang bagini, “Dia itu cuma Yusuf pe Anak, to?”

Lukas 4:32

Orang-orang di situ yang dengar Dia pe ajaran jadi herang, barang Dia mangajar deng kuasa yang basar.

Yohanes 7:15

Pemimpin-pemimpin agama Yahudi herang skali, kong dorang baku bilang, “Orang ini tau skali tentang aturan-aturan di lima kitab Musa, padahal Dia itu tara perna balajar sama deng torang.”

Yohanes 7:46

Penjaga-penjaga itu jawab, “Bolong perna ada orang yang bicara pe bagus macam deng Dia itu.”