Lukas 2:39 - Perjanjian Baru Bahasa Melayu Maluku Utara

³⁹ Bagitu Yusuf deng Maria so abis biking samua acara iko Tuhan Allah pe aturan di lima kitab Musa, dorang samua pulang pa dong pe ruma di kota Nazaret, di daera Galilea.

Lukas 2:39 Iomraidhean Croise

Matius 3:15

Tapi Yesus bilang pa dia, “Biar suda ngana yang baptis pa Kita. Barang, deng torang biking bagitu, torang so biking iko apa yang Tuhan Allah mau.” Pe dengar itu, Yohanes iko apa yang Yesus bilang.

Lukas 1:26

Waktu Elisabet hamil anam bulan, Tuhan Allah suru malaekat Gabriel pigi di satu kota di daera Galilea, yang pe nama Nazaret.

Lukas 1:6

Dorang dua laki bini ini hidup butul pa Tuhan Allah pe muka, deng dong iko samua Dia pe parenta deng aturan-aturan, kong tarada yang bisa kase sala pa dorang.

Lukas 2:4

Bagitu lagi deng Yusuf. Dia barangkat dari Nazaret dia pe tampa tinggal di daera Galilea, kong dia pigi di kota yang pe nama Betlehem, di daera Yudea. Yusuf pigi di Daud pe kota, barang dia itu raja Daud pe turunan.

Lukas 2:51

Abis itu, Yesus pulang di Nazaret sama-sama deng dorang, kong Dia tetap dengar-dengaran pa dorang. Tapi Dia pe mama inga-inga turus apa yang Yesus bilang tadi kong tanya-tanya dalam hati apa itu dia pe arti.

Lukas 4:16

Satu kali, Yesus pigi di kampong Nazaret. Dari kacil sampe basar Dia di kampong itu. Kong pas hari Sabat, Dia maso di ruma ibada agama Yahudi, sama deng Dia pe biasa. Dia badiri di muka la mo baca Kitab Suci.

Lukas 4:23

Turus Yesus bilang pa dorang, “Mangkali ngoni mo bilang bahasa satu pa Kita bagini, ‘Woe dokter, kase sembu ngana pe diri sandiri dulu.’ Ngoni bilang bagitu karna ngoni mo suru Kita biking mujizat di Kita pe kampong sandiri ini, sama deng Kita so biking di kampong Kapernaum.