Lukas 2:37 - Perjanjian Baru Bahasa Melayu Maluku Utara

³⁷ tapi dia pe laki so mati, jadi dia so janda. Dia pe umur so delapan pulu ampa taong. Dia tara perna kase tinggal Ruma Ibada Pusat. Siang malam dia semba pa Tuhan Allah. Dia jaga bapuasa deng berdoa.

Lukas 2:37 Iomraidhean Croise

Lukas 5:33

Orang-orang Yahudi dari aliran Farisi itu, dorang tanya pa Yesus, “Torang pe murit-murit jaga bapuasa deng berdoa. Yohanes pe murit-murit me jaga bapuasa deng berdoa. Bikiapa kong Bapa pe murit-murit tara bapuasa kong makang minum turus?”

Kisah Para Rasul 13:3

Pe abis dong bapuasa deng berdoa, dorang taru dorang pe tangan pa Barnabas deng Saulus kong kase berdoa pa dong dua. Abis itu, dorang utus pa Barnabas deng Saulus untuk biking tugas yang Tuhan Allah suru.

Kisah Para Rasul 14:23

Pe abis bilang bagitu, Paulus deng Barnabas tunju penatua-penatua untuk tiap-tiap jemaat. Dorang bapuasa deng berdoa, kong serakan penatua-penatua itu pa Tuhan yang dong percaya itu supaya Dia pake pa dorang.

Kisah Para Rasul 26:7

Kong janji itu, torang dua blas suku Israel ada tunggu-tunggu. Sementara batunggu janji itu, siang malam torang salalu semba deng hati yang sunggu-sunggu pa Tuhan Allah. Ya, raja Agripa, sampe orang Yahudi bilang kita sala, itu karna kita percaya deng yakin janji itu.

1 Timotius 5:5

Kalu janda yang so tarada sapa-sapa yang mo urus pa dia, dia pe tampa baharap cuma pa Tuhan Allah. Siang deng malam dia berdoa minta tolong pa Tuhan Allah.

Wahyu 3:12

Sapa yang menang dari pengaru jahat, Kita akan biking dong tinggal di Tuhan Allah pe Ruma di sorga slama-lamanya. Sama deng satu tiang yang kuat skali di ruma yang biking ruma tetap kuat, tarada satu yang bisa kase kaluar pa dorang lagi. Pa dorang pe badan, Kita akan tulis Tuhan Allah pe nama. Kong Kita mo tulis pa dong lagi Tuhan Allah pe kota pe nama, kota Yerusalem Baru. Kota itu Tuhan Allah akan kase turung dari sorga. Turus Kita mo tulis lagi pa dorang itu Kita pe nama baru.

Wahyu 7:15

Karna itu, dorang itu ada di muka Tuhan Allah pe kursi raja kong semba pa Dia siang malam di Dia pe Ruang Paling Suci. Kong Tuhan Allah yang dudu di atas kursi raja itu akan ada di tenga-tenga pa dorang untuk jaga pa dorang, sama deng Dia kase badiri sabua la kase sombar pa dorang.