Lukas 2:27 - Perjanjian Baru Bahasa Melayu Maluku Utara

²⁷ Jadi waktu Yusuf deng Maria mo maso di Ruma Ibada Pusat pe kompleks, Roh Kudus me suru pa Simeon pigi di situ. Simeon ka sana kong dia ada waktu Yusuf deng Maria mo serakan Yesus pa Tuhan Allah iko aturan di lima kitab Musa.

Lukas 2:27 Iomraidhean Croise

Matius 4:1

Abis itu, Roh Kudus bawa pa Yesus di padang gurun, tampa yang jao dari kampong, supaya Iblis, setang-setang pe raja goda pa Dia.

Lukas 2:22

Bagitu ampa pulu hari abis Yesus lahir, Maria deng Yusuf musti iko acara ‘biking bersi diri’ iko aturan yang ada di lima kitab Musa. Jadi dorang pigi di kota Yerusalem deng bawa pa Yesus la mo serakan pa Tuhan,

Lukas 2:28

Waktu Simeon lia Anak itu, langsung dia ka sana ambe, turus dukung deng puji pa Tuhan Allah. Dia bilang,

Lukas 2:41

Tiap taong, Yesus pe orang tua pigi di Yerusalem untuk iko agama Yahudi pe hari raya Paska. Hari raya itu dorang inga waktu Tuhan Allah kase bebas pa dorang pe orang tua dulu-dulu dari bangsa Mesir yang jaja pa dorang.

Lukas 2:48

Pe lia bagitu, Yesus pe papa deng mama me jadi herang. Kong Dia pe mama bilang pa Dia, “Yesus, papa deng mama so tako skali, torang cari-cari pa Ngana kasana-kamari. Bikiapa kong Ngana biking pa papa deng mama bagini?”

Lukas 2:51

Abis itu, Yesus pulang di Nazaret sama-sama deng dorang, kong Dia tetap dengar-dengaran pa dorang. Tapi Dia pe mama inga-inga turus apa yang Yesus bilang tadi kong tanya-tanya dalam hati apa itu dia pe arti.

Lukas 4:1

Waktu Yesus di kali Yordan itu, Roh Kudus so kuasai pa Dia. Turus Roh Kudus bawa pa Dia di padang gurun, tampa yang jao dari kampong.

Kisah Para Rasul 10:19

Waktu itu, Petrus masi pikir-pikir tentang penglihatan itu pe arti. Kong Roh Kudus bilang pa dia, “Petrus, ada tiga orang cari pa ngana.

Kisah Para Rasul 11:12

Turus, Roh Kudus bilang pa kita bagini, ‘Pigi suda sama-sama deng dorang. Ngana tara usa ragu-ragu biar dorang bukang orang Yahudi.’ Pe dengar itu, kita deng anam orang ini yang percaya pa Yesus pigi sama-sama di Kaisarea. Pe sampe di sana, torang maso di komandan kompi Roma pe ruma.

Kisah Para Rasul 16:7

Waktu dorang sampe di daera Misia pe batas, dong mo coba maso di daera Bitinia, tapi di situ me Yesus pe Roh bilang pa dorang, jang dulu maso ka sana.

Kisah Para Rasul 8:29

Kong Roh Kudus bilang pa Filipus, “Ngana badekat suda ka sana di kereta itu!”

Galatia 4:4

Tapi, bagitu waktu yang Tuhan Allah tentukan so sampe, Tuhan Allah utus Dia pe Anak datang di dunia. Anak itu yang lahir dari parampuang satu, kong Anak itu, hidup iko agama Yahudi pe aturan-aturan yang ada di lima kitab Musa.

Wahyu 1:10

Satu kali bagini, pas hari sambayang, Tuhan pe Roh kuasai pa kita. Turus, kita dapa dengar suara yang kuat skali dari kita pe balakang. Suara itu pe bunyi sama deng trompet pe babunyi.

Wahyu 17:3

Abis lia itu, Tuhan Allah pe Roh kuasai pa kita kong malaekat itu bawa pa kita di padang gurun. Di situ kita lia ada parampuang satu yang dudu di atas binatang jahat satu. Binatang itu pe warna mera tua, deng pa dia pe badan ada tulis kata-kata yang kase tara bae Tuhan Allah pe nama. Binatang itu pe kapala ada tuju deng dia pe tandu ada spulu.