Lukas 2:26 - Perjanjian Baru Bahasa Melayu Maluku Utara

²⁶ Roh Kudus so kase tau pa dia, dia tara akan mati kalu dia bolong lia pa Mesias, Raja yang Tuhan Allah janji mo kase slamat pa manusia.

Lukas 2:26 Iomraidhean Croise

Matius 2:12

Abis itu, Tuhan Allah kase mimpi pa orang-orang yang pintar lia bintang itu. Tuhan Allah bilang pa dorang supaya jang bale ulang pa raja Herodes. Jadi, dorang pulang pa dong pe daera iko jalang laeng.

Lukas 2:29

“Ya Tuhan, dulu Tuhan so janji pa kita, kong skarang Tuhan pe janji itu so jadi pa kita, kita yang jaga biking apa yang Tuhan suru. Jadi skarang, biar suda kita mati deng hati yang tenang.

Lukas 9:27

Dengar bae-bae yang Kita bilang pa ngoni. Dari antara ngoni yang ada di sini, ada yang tara akan mati sebelum dorang lia Tuhan Allah Berkuasa sebagai Raja.”

Yohanes 1:41

Abis dari Yesus pe tampa tinggal, Andreas capat-capat pigi pa dia pe sudara Simon, kong dia bilang bagini pa dia, “Simon, torang so baku dapa deng Mesias, yang torang ada tunggu-tunggu itu, Dia itu Raja yang Tuhan Allah janji mo kase slamat pa manusia.”

Yohanes 20:31

Tapi samua yang so tatulis di kitab ini, itu ada tulis supaya ngoni percaya Yesus itu Mesias, Raja yang Tuhan Allah janji mo kase slamat pa manusia, deng Dia itu Anak Allah. Kalu ngoni so percaya pa Dia, ngoni mo dapa hidup deng Dia slama-lamanya.

Yohanes 4:29

“Mari suda, torang pigi lia Orang yang tau samua tentang kita. Kaapa Dia itu Mesias suda, Raja yang Tuhan Allah janji mo kase slamat pa manusia?”

Yohanes 8:51

Inga bae-bae yang Kita bilang pa ngoni ini. Sapa saja yang iko Kita pe ajaran, dia tara akan mati sampe slama-lamanya.”

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

Kisah Para Rasul 17:3

Paulus kase mangarti pa dorang Kitab Suci pe arti deng bilang, “Mesias, Raja yang Tuhan Allah janji itu, Kitab Suci bilang Dia musti dapa siksa, mati kong hidup ulang. Dia itu Yesus suda, yang kita jaga kase tau pa ngoni la ngoni percaya pa Dia.”

Kisah Para Rasul 2:36

Tuhan Allah so bilang bagitu, jadi ngoni samua sudara-sudara orang Israel, ngoni musti tau butul-butul, Yesus yang ngoni perna salib itu, Dia itu suda Mesias, Raja yang Tuhan Allah janji mo kase slamat pa manusia, deng Dia itu me Tuhan.”

Kisah Para Rasul 9:20

Waktu itu suda, Saulus maso di ruma-ruma ibada agama Yahudi kong mulai kase tau pa orang-orang, Yesus itu butul Anak Allah.

Ibrani 11:5

Kong karna Henokh percaya pa Tuhan Allah, Tuhan Allah angka pa dia ka atas di sorga supaya dia tara mati, kong so tarada orang yang lia lagi pa dia, karna Tuhan Allah so angka pa dia. Kong waktu Henokh bolong dapa angka, Tuhan Allah bilang, Henokh so biking Dia pe hati sanang.