Lukas 2:21 - Perjanjian Baru Bahasa Melayu Maluku Utara

²¹ Waktu Anak itu pe umur delapan hari, Dia musti dapa sunat, iko agama Yahudi pe aturan. Kong dong kase nama pa Dia, Yesus, sama deng nama yang malaekat bilang pa Maria waktu dia bolong hamil.

Lukas 2:21 Iomraidhean Croise

Matius 1:21

Maria mo melahirkan ana laki-laki satu. Kong ngana musti kase nama pa ana itu Yesus, barang Dia itu nanti yang mo kase slamat pa Dia pe umat dari dorang pe dosa-dosa.”

Matius 1:25

Tapi Yusuf tara tidor sama-sama deng Maria sampe Anak itu lahir. Bagitu Anak itu so lahir, Yusuf kase nama pa Dia, Yesus.

Matius 3:15

Tapi Yesus bilang pa dia, “Biar suda ngana yang baptis pa Kita. Barang, deng torang biking bagitu, torang so biking iko apa yang Tuhan Allah mau.” Pe dengar itu, Yohanes iko apa yang Yesus bilang.

Lukas 1:31

So tara lama lagi, ngana mo hamil, kong mo melahirkan Anak laki-laki satu. Ngana musti kase nama Anak itu, ‘Yesus’.

Lukas 1:59

Waktu ana itu so delapan hari, dorang mo sunat pa dia iko agama Yahudi pe aturan. Jadi birman-birman deng sudara-sudara datang bakumpul di situ. Dorang mo kase nama ana itu Zakharia sama deng dia pe papa pe nama.

Filipi 2:8

Kong waktu Dia jadi manusia, Dia biking Dia pe diri macam deng orang yang tarada arti apa-apa, Dia biking Tuhan Allah pe mau sampe Dia mati, mala sampe mati di kayu salib.