Lukas 2:15 - Perjanjian Baru Bahasa Melayu Maluku Utara

¹⁵ Abis puji pa Tuhan Allah bagitu, malaekat-malaekat itu bale ulang di sorga. Kong gembala-gembala itu baku bilang bagini, “Mari torang pigi di Betlehem la tong lia apa yang Tuhan so bilang pa torang tadi.”

Lukas 2:15 Iomraidhean Croise

Matius 12:42

Kong nanti di hari kiamat waktu Tuhan mo adili pa samua orang, raja parampuang yang dari selatan mo hidup ulang sama-sama deng ngoni orang-orang skarang ini, kong dia akan kase sala pa ngoni la ngoni dapa hukum. Barang, dulu waktu dia dengar kabar tentang raja Salomo pe hikmat, biar dia jao skali me dia pigi supaya dia bole dengar raja Salomo pe ajaran. Tapi skarang ini di sini, ada Orang yang lebe penting dari raja Salomo yang bawa ajaran pa ngoni, tapi ngoni tara mo dengar tu!”

Lukas 2:14

“Puji deng hormat pa Tuhan Allah yang ada di sorga! Kong di bumi ini, Tuhan Allah akan kase hati yang tenang pa orang-orang yang biking sanang Tuhan Allah pe hati.”

Lukas 2:16

Jadi dorang capat-capat pigi di Betlehem. Di sana, dorang baku dapa deng Maria deng Yusuf. Dorang lia lagi Anak kacil itu yang sementara tidor di binatang pe tampa makanang.

Lukas 24:51

Waktu Yesus sementara kase berkat, Dia taangka ka sorga, kong mulai tapisa dari dorang.

1 Petrus 3:22

Kong skarang, Yesus Kristus so nae ka atas di sorga, so dudu di tampa yang terhormat, pa Tuhan Allah pe sabla kanan. Kong samua malaekat, samua yang ada kuasa, deng samua yang ada pengaru, ada di bawa Yesus Kristus pe kuasa.