Lukas 2:14 - Perjanjian Baru Bahasa Melayu Maluku Utara

¹⁴ “Puji deng hormat pa Tuhan Allah yang ada di sorga! Kong di bumi ini, Tuhan Allah akan kase hati yang tenang pa orang-orang yang biking sanang Tuhan Allah pe hati.”

Lukas 2:14 Iomraidhean Croise

Matius 21:9

Orang banya yang bajalang pa Yesus pe muka deng yang iko dari balakang, puji pa Dia deng suara kuat, dong bilang bagini, “Hosana! Puji pa Dia, raja Daud pe turunan! Puji pa Dia yang Tuhan Allah so utus datang kamari! Hosana! Puji pa Tuhan Allah yang Paling Tinggi!”

Lukas 1:79

la kase sinar. Dia itu mo datang kase tarang pa orang-orang yang hidup dalam galap, deng pa orang-orang yang hidup deng rasa tako. Dia mo datang pa torang supaya torang tau jalang hidup yang biking torang pe hati salalu tenang.”

Lukas 19:38

Dorang bilang, “Puji pa Dia yang Tuhan Allah so utus datang kamari sebagai Raja! Skarang Tuhan Allah di sorga deng manusia di dunia so baku dame. Mari torang puji deng hormat pa Tuhan Allah yang Paling Tinggi!”

Lukas 2:13

Abis bilang bagitu, kage-kage ada malaekat lagi dari sorga yang banya skali kase tunju dong pe diri, dong sama-sama deng malaekat satu itu puji pa Tuhan Allah, bagini,

Lukas 2:15

Abis puji pa Tuhan Allah bagitu, malaekat-malaekat itu bale ulang di sorga. Kong gembala-gembala itu baku bilang bagini, “Mari torang pigi di Betlehem la tong lia apa yang Tuhan so bilang pa torang tadi.”

Lukas 3:22

Turus, Roh Kudus datang pa Dia. Roh itu pe model sama deng burung pombo. Kong dapa dengar Tuhan Allah pe suara dari langit bagini, “Ngana ini Kita pe Anak, Kita paling sayang pa Ngana. Ngana yang biking Kita pe hati sanang.”

Yohanes 14:27

Skarang Kita mo pigi, tapi hati tenang yang ada pa Kita, Kita mo kase itu pa ngoni. Hati tenang yang Kita kase itu, dunia tara bisa mo kase pa ngoni. Jang ngoni hawater deng tako.

Yohanes 17:4

Bapa, Kita so kase selesai samua karja yang Bapa suru Kita biking di dunia ini. Kong deng apa yang Kita biking itu, orang-orang dapa lia Bapa pe kuasa yang luar biasa.

Yohanes 3:16

Memang Tuhan Allah paling sayang skali pa samua orang di dunia ini, sampe Dia kase Dia pe Anak yang cuma satu untuk tebus manusia pe dosa-dosa, supaya sapa saja yang percaya pa Dia pe Anak tara mo dapa hukuman tapisa deng Tuhan Allah, tapi mo dapa hidup deng Dia slama-lamanya.

Kisah Para Rasul 10:36

Ngoni pasti so tau Kabar Bae yang Tuhan Allah bilang pa orang-orang Israel: Yesus Kristus itu Raja yang mo kase slamat pa manusia, Dia yang bole biking manusia pe hubungan deng Tuhan Allah jadi bae. Yesus Kristus itu yang jadi Tuhan untuk samua orang.

Roma 5:1

Tuhan Allah so biking torang jadi orang yang tara sala pa Dia pe muka karna torang percaya pa Yesus Kristus. Jadi torang deng Tuhan Allah pe hubungan so bae-bae ulang karna apa yang torang pe Tuhan Yesus Kristus so biking.

Efesus 1:6

Jadi mari suda, torang puji pa Tuhan Allah karna Dia so kase Dia pe bae yang hebat itu pa torang. Dia kase Dia pe bae itu karna torang so percaya pa Yesus Kristus yang Dia sayang.

Efesus 1:9

Dulu, tarada orang yang tau Dia pe rencana itu, tapi skarang Dia so kase tau pa torang. Dia pe rencana itu tentang Yesus Kristus, kong rencana itu suda yang Dia ingin biking dari dulu.

Efesus 2:4

Tapi Tuhan Allah pe rasa kasiang pa torang itu basar skali. Karna itu, Dia sayang skali pa torang.

Efesus 2:7

Tuhan Allah biking bagitu, supaya mulai dari sini ka sana orang-orang bole dapa tau Tuhan Allah pe bae deng pe sayang yang talebe-lebe, yang Dia kase pa torang karna torang so satu hati deng Kristus Yesus.

Filipi 2:11

Dorang samua mo mangaku, “Yesus Kristus itu suda Tuhan.” Deng bagitu Tuhan Allah torang pe Bapa, mo dapa puji deng hormat!

Filipi 2:13

Barang, Tuhan Allah sandiri yang bakarja di ngoni pe hati, supaya ngoni mau deng mampo iko apa yang Dia ingin ngoni biking.

Kolose 1:20

Kong deng Yesus Kristus itu lagi, Tuhan Allah biking supaya samua yang ada di bumi deng di sorga pe hubungan bole bae-bae ulang deng Dia. Hubungan deng Tuhan Allah itu jadi bae-bae ulang, karna Yesus Kristus pe dara yang tatumpa di kayu salib.

2 Tesalonika 2:16

Yesus Kristus, torang pe Tuhan, deng Tuhan Allah, torang pe Bapa, sayang skali pa torang deng salalu kase kuat torang pe hati sampe torang bole baharap deng yakin torang dapa hidup deng Dia slama-lamanya. Torang bole yakin bagitu, karna torang tau, Yesus Kristus pe bae pa torang.

Wahyu 5:13

Abis itu, kita dengar samua orang deng samua binatang yang ada di sorga, di dunia, di tampa orang mati, deng di dalam laut, bilang bagini, “Torang puji deng hormat pa Tuhan Allah yang dudu di kursi raja, deng pa Anak Domba. Tuhan Allah deng Anak Domba itu luar biasa deng berkuasa sampe slama-lamanya.”