Lukas 2:11 - Perjanjian Baru Bahasa Melayu Maluku Utara

¹¹ Kabar yang bae itu bagini: hari ini, Orang yang mo kase slamat pa manusia so lahir. Dia so lahir di Betlehem, raja Daud pe kota. Dia itu orang pangge Kristus, Raja yang Tuhan Allah janji mo kase slamat pa ngoni. Dia itu suda Tuhan.

Lukas 2:11 Iomraidhean Croise

Matius 1:16

kong Yakub pe ana Yusuf. Yusuf ini yang kawing deng Maria, kong Maria ini yang kase lahir pa Yesus. Yesus ini suda yang orang jaga pangge pa Dia Kristus, Raja yang Tuhan Allah janji mo kase slamat pa manusia.

Matius 1:21

Maria mo melahirkan ana laki-laki satu. Kong ngana musti kase nama pa ana itu Yesus, barang Dia itu nanti yang mo kase slamat pa Dia pe umat dari dorang pe dosa-dosa.”

Matius 16:16

Kong Simon Petrus jawab, “Guru itu suda Mesias, Raja yang Tuhan Allah janji mo kase slamat pa manusia. Guru itu Anak Allah yang hidup!”

Matius 16:20

Abis bicara, Yesus larang Dia pe murit-murit supaya dong jang kase tau pa sapa saja, Dia itu Mesias, Raja yang Tuhan Allah janji mo kase slamat pa manusia.

Lukas 1:43

Kita sanang skali, karna biar kita ini cuma orang biasa yang tara pantas, tapi kita pe Tuhan pe mama so datang kamari pa kita.

Lukas 1:69

Dia so utus satu Orang yang hebat untuk kase slamat pa torang. Orang itu raja Daud pe turunan. Raja Daud itu orang yang jaga biking apa yang Tuhan Allah suru.

Lukas 2:26

Roh Kudus so kase tau pa dia, dia tara akan mati kalu dia bolong lia pa Mesias, Raja yang Tuhan Allah janji mo kase slamat pa manusia.

Lukas 2:4

Bagitu lagi deng Yusuf. Dia barangkat dari Nazaret dia pe tampa tinggal di daera Galilea, kong dia pigi di kota yang pe nama Betlehem, di daera Yudea. Yusuf pigi di Daud pe kota, barang dia itu raja Daud pe turunan.

Yohanes 1:41

Abis dari Yesus pe tampa tinggal, Andreas capat-capat pigi pa dia pe sudara Simon, kong dia bilang bagini pa dia, “Simon, torang so baku dapa deng Mesias, yang torang ada tunggu-tunggu itu, Dia itu Raja yang Tuhan Allah janji mo kase slamat pa manusia.”

Yohanes 1:45

Abis Yesus pangge pa Filipus untuk iko pa Dia, Filipus pigi cari baku dapa deng dia pe tamang Natanael kong bilang pa dia, “Natanael e, torang so baku dapa deng Dia yang Tuhan Allah so janji dulu mo datang! Dia yang nabi Musa tulis dulu di lima kitab Musa, deng nabi-nabi laeng jaga bilang lagi. Dia itu pe nama Yesus, Yusuf pe ana laki-laki dari kampong Nazaret.”

Yohanes 11:27

Marta jawab pa Yesus, “Iyo Tuhan. Kita percaya Tuhan itu Anak Allah yang akan datang di dunia ini, deng Tuhan itu lagi Mesias, Raja yang Tuhan Allah janji mo kase slamat pa manusia.”

Yohanes 20:31

Tapi samua yang so tatulis di kitab ini, itu ada tulis supaya ngoni percaya Yesus itu Mesias, Raja yang Tuhan Allah janji mo kase slamat pa manusia, deng Dia itu Anak Allah. Kalu ngoni so percaya pa Dia, ngoni mo dapa hidup deng Dia slama-lamanya.

Yohanes 4:25

Turus parampuang itu bilang pa Yesus, “Kita tau, Mesias yang orang bilang Kristus itu akan datang. Dia itu Raja yang Tuhan Allah janji mo kase slamat pa manusia. Kong kalu Dia datang, Dia mo kase tau samua hal pa torang.”

Yohanes 4:42

Dorang bilang pa parampuang itu, “Torang skarang percaya bukang cuma karna dengar apa yang ngana bilang, tapi karna torang sandiri so dengar dari Dia langsung kong torang so tau Dia itu memang butul-butul Orang yang mo kase slamat pa manusia dari dosa-dosa.”

Yohanes 6:69

Torang ini so percaya deng tau, Guru suda Yang Kudus yang Tuhan Allah utus.”

Yohanes 7:41

Kong yang laeng bilang, “Dia ini Mesias suda, Raja yang Tuhan Allah janji mo kase slamat pa torang.” Tapi yang laeng bilang, “Bukang, Tuhan Allah dulu ada janji, Mesias itu akan datang dari daera Yudea, bukang dari daera Galilea.

Kisah Para Rasul 10:36

Ngoni pasti so tau Kabar Bae yang Tuhan Allah bilang pa orang-orang Israel: Yesus Kristus itu Raja yang mo kase slamat pa manusia, Dia yang bole biking manusia pe hubungan deng Tuhan Allah jadi bae. Yesus Kristus itu yang jadi Tuhan untuk samua orang.

Kisah Para Rasul 13:23

Sudara-sudara yang percaya, dari Daud pe turunan itu suda, Tuhan Allah so pili satu Orang untuk torang orang Israel yang akan kase slamat pa manusia, sama deng Tuhan Allah janji dari dulu. Dia itu suda Yesus.

Kisah Para Rasul 17:3

Paulus kase mangarti pa dorang Kitab Suci pe arti deng bilang, “Mesias, Raja yang Tuhan Allah janji itu, Kitab Suci bilang Dia musti dapa siksa, mati kong hidup ulang. Dia itu Yesus suda, yang kita jaga kase tau pa ngoni la ngoni percaya pa Dia.”

Kisah Para Rasul 2:36

Tuhan Allah so bilang bagitu, jadi ngoni samua sudara-sudara orang Israel, ngoni musti tau butul-butul, Yesus yang ngoni perna salib itu, Dia itu suda Mesias, Raja yang Tuhan Allah janji mo kase slamat pa manusia, deng Dia itu me Tuhan.”

Kisah Para Rasul 5:31

Yesus itu suda yang Tuhan Allah so angka kong taru di tampa yang terhormat pa Tuhan Allah pe sabla kanan. Skarang Yesus so jadi Pemimpin deng yang kase slamat pa torang orang Israel, supaya torang bertobat kong iko pa Tuhan Allah, deng bagitu Tuhan Allah mo kase ampun pa torang.

1 Korintus 15:47

Manusia pertama Tuhan Allah biking dari tana, dia pe asal dari dunia ini. Tapi manusia yang kedua, yang torang bilang Yesus Kristus itu, Dia pe asal dari sorga.

Filipi 2:11

Dorang samua mo mangaku, “Yesus Kristus itu suda Tuhan.” Deng bagitu Tuhan Allah torang pe Bapa, mo dapa puji deng hormat!

Filipi 3:8

Mala, samua-samua itu, skarang kita anggap tarada dia pe guna, barang kita skarang so bole butul-butul kanal pa Kristus Yesus kita pe Tuhan, kong itu lebe bagus lagi. Jadi karna Dia, kita kase tinggal samua-samua itu, kita anggap sama deng sampa, supaya kita bole kanal pa Yesus Kristus,

Kolose 2:6

Sudara-sudara, ngoni so tarima pa Kristus Yesus jadi ngoni pe Tuhan, jadi ngoni musti tetap hidup satu hati deng Dia.

1 Yohanes 4:14

Torang ini so lia pa Anak Allah deng torang pe mata kapala sandiri kong so kase tau pa ngoni, butul Tuhan Allah torang pe Bapa so utus Dia pe Anak untuk kase slamat pa manusia yang ada di dunia ini.

1 Yohanes 5:1

Tiap orang yang percaya Yesus itu Kristus, Raja yang Tuhan Allah pili, orang itu Tuhan Allah pe ana. Deng sapa saja yang sayang pa Tuhan Allah, orang itu pasti sayang pa Tuhan Allah pe ana-ana.