Lukas 19:7 - Perjanjian Baru Bahasa Melayu Maluku Utara

⁷ Waktu samua orang lia itu, dorang mulai bafeto, dorang bilang, “Cis, Yesus itu pigi batamu di orang berdosa pe ruma tu!”

Lukas 19:7 Iomraidhean Croise

Matius 20:11

Waktu dorang tarima doi itu, dorang bafeto pa tuang kobong itu.

Matius 20:4

Kong dia bilang pa dorang, ‘Ngoni karja di kita pe kobong anggur e. Nanti kita bayar pa ngoni deng gaji yang sesuai.’ Pe dengar itu, dorang pigi bakarja di kobong.

Matius 9:11

Di situ me ada orang-orang agama Yahudi dari aliran fanatik yang pe nama Farisi. Waktu dorang lia Yesus makang sama-sama deng orang-orang yang orang anggap berdosa itu, dorang bilang pa Yesus pe murit-murit, “Cis, bikiapa kong ngoni pe Guru makang sama-sama deng tukang-tukang tagi pajak deng orang-orang berdosa yang laeng?”

Lukas 15:2

Di situ ada lagi orang-orang Yahudi dari aliran fanatik yang pe nama Farisi, deng guru-guru agama Yahudi yang ahli lima kitab Musa. Waktu dorang lia Yesus di situ, dorang bafeto bagini, “Cis, Orang ini batamang deng orang-orang berdosa, baru makang sama-sama deng dorang.”

Lukas 19:6

Pe dengar itu, langsung Zakheus capat-capat turung dari pohong ara itu kong dia tarima pa Yesus di dia pe ruma deng hati sanang.

Lukas 19:8

Tapi Zakheus badiri kong bilang pa Tuhan Yesus, “Bapa, Kita mo kase stenga dari kita punya pa orang yang tarada apa-apa. Deng kalu ada orang yang kita so perna kase ruci, kita mo kase pulang pa dorang ampa kali lipa.”

Lukas 5:30

Di situ me ada orang Yahudi dari aliran fanatik yang pe nama Farisi, deng guru-guru agama Yahudi yang ahli lima kitab Musa. Waktu dorang lia Yesus makang sama-sama deng orang-orang yang dapa anggap berdosa itu, dorang mara-mara, kong bilang pa Yesus pe murit-murit itu, “Cis, bikiapa kong ngoni deng ngoni pe Guru makang minum sama-sama deng tukang-tukang tagi pajak deng orang-orang berdosa yang laeng?”

Lukas 7:34

Skarang, Kita Anak Manusia so datang. Kita tara bapuasa deng Kita me jaga minum anggur. Kong ngoni bilang kata, ‘Coba lia! Orang ini golojo deng pangbaminum. Dia me jaga batamang deng tukang tagi pajak deng orang-orang berdosa laeng.’

Lukas 7:39

Waktu Simon yang undang pa Yesus lia apa yang parampuang itu biking, dia bapikir dalam hati bagini, “Kalu memang Yesus butul-butul nabi, pasti Dia tau sapa parampuang yang ada bapegang pa Dia deng bagimana parampuang itu pe kalakuang. Dia pasti tau, parampuang itu parampuang tara bae.”