Lukas 19:47 - Perjanjian Baru Bahasa Melayu Maluku Utara

⁴⁷ Tiap hari Yesus mangajar di Ruma Ibada Pusat pe kompleks. Orang-orang Yahudi pe imam-imam kapala, guru-guru agama Yahudi yang ahli lima kitab Musa, deng pemimpin-pemimpin laeng berusaha la mo bunu pa Dia,

Lukas 19:47 Iomraidhean Croise

Matius 21:23

Bagitu sampe di Yerusalem, Yesus maso di Ruma Ibada Pusat pe kompleks. Waktu Yesus mangajar pa orang-orang di sana, imam-imam kapala deng tua-tua Yahudi datang pa Dia kong tanya bagini, “Samua yang Ngana so biking itu, Ngana dapa hak dari mana? Kong sapa yang kase hak itu pa Ngana?”

Matius 26:55

Kong Yesus bilang pa orang banya yang datang mo tangka pa Dia, “Ngoni sangka Kita ini orang jahat, sampe ngoni datang bawa parang deng kayu panggal la mo tangka pa Kita? Padahal tiap hari Kita kase tau Tuhan Allah pe Kabar Bae di Ruma Ibada Pusat, tapi ngoni tara tangka pa Kita di situ.

Markus 11:18

Imam-imam kapala deng guru-guru agama Yahudi yang ahli lima kitab Musa dapa dengar yang Yesus biking di Ruma Ibada Pusat itu, jadi dorang cari jalang mo bunu pa Dia. Tapi dorang tako pa Dia, barang orang banya suka dengar Dia pe ajaran.

Markus 12:12

Pe dengar itu, pemimpin-pemimpin agama Yahudi jadi mangarti, orang-orang jahat di umpama itu, Yesus pe maksut itu pa dorang. Dari situ dorang berusaha mo tangka pa Dia, tapi dorang tako pa orang banya kong dorang pigi kase tinggal pa Dia.

Markus 14:1

Tinggal dua hari lagi orang agama Yahudi mo biking dong pe hari raya Paska. Hari raya itu, dorang inga waktu Tuhan Allah kase bebas pa dorang pe orang tua dulu-dulu dari bangsa Mesir yang jaja pa dorang, deng dorang lagi biking hari raya Roti Tara Pake Ragi. Turus waktu itu, orang Yahudi pe imam-imam kapala deng guru-guru agama yang ahli lima kitab Musa baku ator la mo tangka pa Yesus deng cara sambunyi-sambunyi kong bunu pa Dia.

Markus 14:49

Padahal tiap hari Kita ada pa ngoni pe tenga-tenga waktu Kita kase tau Tuhan Allah pe Kabar Bae di Ruma Ibada Pusat, bikiapa kong ngoni tara tangka pa Kita di situ? Tapi biar suda, itu memang musti jadi, karna samua itu so tatulis memang di Kitab Suci.”

Lukas 19:48

tapi dorang tara tau bagimana dia pe cara mo bunu pa Dia, karna samua orang yang tinggal di kota itu so suka skali dengar Yesus pe ajaran.

Lukas 20:19

Guru-guru agama Yahudi yang ahli lima kitab Musa deng imam-imam kapala, dorang mangarti umpama yang Yesus bilang-bilang tadi tentang orang-orang yang dapa suru jaga kobong itu, Dia pe maksut itu pa dorang. Karna itu, dorang berusaha la mo tangka pa Yesus tapi dorang tako pa orang banya yang ada di situ.

Yohanes 10:39

Abis Yesus bilang bagitu, dorang coba lagi tangka pa Yesus, tapi dong tara dapa tangka pa Dia.

Yohanes 18:20

Turus Yesus jawab pa dia, “Kita salalu bicara turus tarang di orang banya pe muka. Kita kase ajar pa orang-orang di ruma-ruma ibada agama Yahudi deng di Ruma Ibada Pusat, tampa yang orang-orang agama Yahudi jaga bakumpul. Kita kase ajar pa orang-orang di tampa-tampa umum, bukang di tampa-tampa yang tasambunyi.

Yohanes 7:19

Nabi Musa so kase aturan-aturan di lima kitab Musa la ngoni iko. Tapi tara ada satu orang dari ngoni yang butul iko aturan-aturan itu. Kalu memang ngoni iko aturan-aturan itu, bikiapa kong ngoni cari mo bunu pa Kita?”

Yohanes 7:44

Ada babarapa orang mo tangka pa Dia, tapi tara ada orang yang barani sontong pa Dia.