Lukas 19:42 - Perjanjian Baru Bahasa Melayu Maluku Utara

⁴² Dia bilang, “Ado, kasiang, ngoni orang-orang Yerusalem! Kita paling harap suda, ngoni so mangarti apa yang ngoni musti biking supaya ngoni bole dapa dame. Tapi skarang so terlambat, itu so tasambunyi dari ngoni.

Lukas 19:42 Iomraidhean Croise

Lukas 19:41

Waktu Yesus so dekat deng kota Yerusalem, Dia lia kota itu kong Dia manangis.

Lukas 19:43

Karna nanti akan ada dia pe waktu, ngoni pe musu datang, dong mo biking benteng kase kuliling ngoni pe kota. Kong dorang akan kepung pa ngoni deng biking sampe ngoni me so tara bole kaluar dari situ.

Lukas 19:44

Dorang mo kase ancor ngoni pe kota Yerusalem kong dorang mo bunu pa ngoni orang-orang yang ada tinggal di situ. Deng tara ada satu batu yang dong akan kase biar tasusun pa dia pe tampa. Ngoni pe kota akan ancor bagitu, karna ngoni tara tarima waktu Tuhan Allah datang pa ngoni untuk kase slamat pa ngoni.”

Kisah Para Rasul 10:36

Ngoni pasti so tau Kabar Bae yang Tuhan Allah bilang pa orang-orang Israel: Yesus Kristus itu Raja yang mo kase slamat pa manusia, Dia yang bole biking manusia pe hubungan deng Tuhan Allah jadi bae. Yesus Kristus itu yang jadi Tuhan untuk samua orang.

Kisah Para Rasul 13:46

Tapi Paulus deng Barnabas barani skali mangada pa orang-orang itu kong bilang, “Memang Tuhan Allah yang suru la torang kase tau kamuka Tuhan Allah pe firman pa orang-orang Yahudi. Tapi ngoni tara mau percaya, jadi deng bagitu, ngoni so nilai ngoni pe diri tara pantas mo dapa hidup deng Tuhan Allah slama-lamanya. Jadi, skarang torang mo pigi pa orang-orang yang bukang Yahudi supaya mo kase tau Tuhan Allah pe firman itu.

Ibrani 3:13

Tapi ngoni, tiap hari, selama masi ada kesempatan yang torang bilang “hari ini”, ngoni musti baku kase kuat ngoni pe hati untuk tamba percaya pa Yesus, supaya tara ada satu dari ngoni yang dapa tipu kong biking dosa sampe jadi tara dengar-dengaran lagi pa Tuhan Allah.

Ibrani 3:15

Itu sama deng yang tatulis di Kitab Suci bagini, “Hari ini, kalu ngoni dengar Tuhan Allah pe suara, jang ngoni kapala batu, macam deng ngoni pe orang tua dulu-dulu biking, waktu dorang malawang pa Tuhan Allah.”

Ibrani 3:7

Jadi karna itu, dengar apa yang Roh Kudus bilang, “Hari ini, kalu ngoni dengar Tuhan Allah pe suara,