Lukas 19:22 - Perjanjian Baru Bahasa Melayu Maluku Utara

²² Kong raja itu bilang pa dia pe orang karja itu, ‘He, ngana orang karja yang jahat! Kita mo hukum pa ngana sama deng apa yang ngana ada bilang. Ngana tau kita ini orang karas: kita jaga ambe barang yang bukang kita punya, deng jaga pete hasil kobong yang kita tara tanam.

Lukas 19:22 Iomraidhean Croise

Matius 12:37

Tuhan Allah mo tentukan ngoni orang butul atau orang yang mo dapa hukuman, iko dari ngoni pe kata-kata yang ngoni perna bilang.”

Matius 22:12

Kong raja tanya pa tamu itu, ‘Ee, tamang, bagimana kong ngana kamari di sini tara pake baju pesta?’ Tapi orang itu cuma badiam saja.

Lukas 19:21

Kita biking bagitu, karna kita tau bapa itu orang karas jadi kita tako. Kalu bapa suru orang cari untung deng bapa pe doi, bapa harap dia mo dapa untung banya. Kong kalu bapa suru orang batanam, bapa harap dorang bapanen banya.’

Lukas 19:23

Kalu bagitu, bikiapa kong kita pe doi itu ngana tara simpang di bank supaya waktu kita pulang, kita bisa ambe doi mas itu deng dia pe bunga.’

Roma 3:19

Samua tulisan itu ada di Kitab Suci. Torang so tau, aturan di lima kitab Musa itu Tuhan Allah kase supaya torang orang Yahudi iko. Jadi deng aturan itu, ada kase jelas, tarada satu orang yang bole bilang, dia itu so butul pa Tuhan Allah pe muka. Samua orang di dunia pantas dapa hukum dari Tuhan Allah.