Lukas 19:18 - Perjanjian Baru Bahasa Melayu Maluku Utara

¹⁸ Abis itu, orang karja yang kedua datang kong dia bilang, ‘Bapa, doi mas satu yang bapa kase pa kita itu, skarang so tatamba lima doi mas.’

Lukas 19:18 Iomraidhean Croise

Matius 13:23

Kong bibit yang jatu di tana yang subur itu, sama deng orang yang dengar Tuhan pe firman kong mangarti firman itu. Jadi, dorang hidup iko Tuhan pe mau, sama deng bibit yang batumbu sampe babua. Ada yang babua saratus kali lipa, ada yang anam pulu kali lipa deng ada lagi yang tiga pulu kali lipa.”

Matius 25:22

Abis itu, orang karja yang tarima doi mas dua tas ka sana pa dia pe tuang. Orang karja itu bilang pa dia pe tuang, ‘Bapa, bapa kase percaya pa kita doi mas dua tas, skarang lia, kita so dapa untung doi mas dua tas lagi.’

Markus 4:20

Kong bibit yang jatu di tana yang subur, itu sama deng orang-orang yang dengar firman kong tarima deng percaya. Dorang ini orang yang hidup iko Tuhan pe mau, sama deng bibit yang batumbu sampe babua. Ada yang babua tiga pulu kali lipa, ada yang anam pulu kali lipa, deng ada lagi yang saratus kali lipa.”

Lukas 19:13

Waktu dia mo pigi, dia pangge dia pe orang karja spulu orang kong kase doi mas pa dorang satu-satu, kong dia bilang bagini, ‘Ngoni pake ini untuk badagang sampe kita bale kamari.’

Lukas 19:17

Kong raja bilang pa dia pe orang karja itu bagini, ‘Ngana pe karja bagus skali, ngana orang karja yang bae. Ngana so setia deng hal yang kacil skali. Karna itu, skarang kita angka pa ngana kase ngana kuasa untuk bapimpin spulu kota.’

Lukas 19:19

Kong raja itu bilang pa dia pe orang karja itu, ‘Kalu bagitu, Kita kase kuasa pa ngana untuk bapimpin lima kota.’

2 Korintus 8:12

Karna kalu ngoni bakase deng hati yang sanang, tamba lagi yang ngoni kase itu iko apa yang ngoni mampo bakase, Tuhan akan tarima apa yang ngoni kase itu. Dia tara perna minta torang kase lebe dari apa yang ada pa torang.